[愛情無限loop] 就係咁，我做左女神一年既備胎: ５６　清吧

行多左陣，食埋野，ＪＵＤＹ不停比我同阿琪恥笑佢同其他港女一樣要相機食先既行為，一切一切都係好開心既氣氛下渡過。

時間都係９點多少少，阿琪提意去附近一間清吧飲野，同埋唔飲咁夜，因為怕聽日唔知醒去唔到燒野食前既幫手大會。

我同ＪＵＤＹ都同意。

跟阿琪去到酒吧後，見到一個好熱情既男酒保行左過黎同阿琪話：「又黎拿，今次係未又一個人飲悶酒啊？」

阿琪笑左笑話：「唔係啊，今次我帶左朋友黎陪我。」



「仲諗住今晚可以陪黎飲添。」個男酒保話。

「唔搵你陪仲好啦，你可以專心Ｄ做野。」阿琪笑左笑然後問佢：「有無位啊？」

「你叫到實有既。」個男酒保帶左我地去一張比較入既位，「知妳唔鐘意嘈，所以特登比呢張位妳。」

「多謝。」阿琪微笑左一下，然後我地就坐低。

「妳成日黎架？」ＪＵＤＹ問。



「都係架，先前會黎得密Ｄ，因為我一有唔開心既時候就會黎。」阿琪答。

「個酒保，好似對妳有Ｄ意思。」ＪＵＤＹ又話。

「係啊，我知啊。」阿琪好快咁就回應左佢。

而我就望一望ＪＵＤＹ，點解妳可以咁勁既，剛剛到而家只係幾分鐘既時間，妳就可以睇得出果位酒保係鐘意阿琪。

佢地兩個人望住完全係狀況外既我笑緊，而我就傻笑住問佢地：「有咩咁好笑。」



「笑妳傻囉。」阿琪呢一句說話，真係直中我既紅心。

「笑佢ｏｎ９就ｏｎ９啦。」ＪＵＤＹ補多左句，而我就睥一睥佢，「衰妹，妳係未想死。」

「夠膽既話未劈過囉。」ＪＵＤＹ小姐，妳大我咁話拿。

「好啊。」唔係我認叻，係我朋友之中，我係最飲得果個，駛鬼驚妳呢條四眼衰妹啊。

「咁不如我地開支紅酒慢慢飲。」阿琪係ＪＵＤＹ同我挑機既時候講。

唔係掛，劈紅酒……「紅酒未紅酒囉，牛兄你唔係驚啊。」

係……我就係……啤酒我同你飲幾多都得，但係紅酒的話，我飲一杯就會好似世界停止咁。

「男人老狗咁細膽都有架，阿琪，妳隻牛咁怕死架。」ＪＵＤＹ呢一句又係直中我紅心，係我唔忿氣既紅心，「黎未黎囉，怕妳啊。」



紅酒一到，ＪＵＤＹ就即刻倒左一大杯比我，而阿琪見到果杯咁滿既紅酒，就問我：「你唔得唔好死頂ＷＯ。」

「緊係得啦。」係女神面前，我邊可以失威架，唔理三七二十一，我就成杯隊左。

……大獲……紅酒真係我既……死敵……