[愛情無限loop] 就係咁，我做左女神一年既備胎: １８３　好多ＭＳＧ

第二朝訓醒後，我望一望個鐘，十點，原來心情咁沉，都礙我既睡眠，而且仲好似訓得好好添。

再望一望Ｄ　ＭＳＧ，能蟹ＳＤ　左好幾個ＭＳＧ比我，七三廿一就有一個，阿珍都係得幾個，ＪＵＤＹ又係得一個，阿琪最多有成幾十個。

我決定睇左最少果Ｄ先。

ＪＵＤＹ：阿琪問我你係未發生咩事ＷＯ，佢話你嬲左佢啊，搞咩啊究竟？

下……我嬲左阿琪？唔係掛，阿琪會唔會諗多左啊。



七三廿一：我尋晚同你講既事，可唔可以唔好同其他人講，我唔想比ＧＲＯＵＰ入面既人知道

我睇到七三廿一既ＭＳＧ後，簡單覆左佢兩個字，「可以。」

然後就係睇阿珍既ＭＳＧ。

阿珍：你同七三廿一點啊？
阿珍：走左未？
阿珍：其實我唔係唔想為你加油，只係果個對像係阿琪，我總覺得呢個女仔會傷害到我既好朋友，所以如果你有日發現有咩唔對路，就好轉頭離開



搞咩佢前果兩個ＭＳＧ同最後既ＭＳＧ差咁遠既，不過我明白阿珍係出自關心我，所以我覆左佢，「我知道拿。」然後就睇能蟹既ＭＳＧ。

能蟹：對唔住啊大佬
能蟹：我知我今次玩大左
能蟹：你唔好咁啦
能蟹：無下次啦
能蟹：應下人啦好唔好啊
能蟹：係未因為我約阿琪出去無話你知你嬲左啊
能蟹：你唔係為左個女人嬲左我呢個兄弟掛



望住能蟹呢個ＭＳＧ，我真係唔知到講咩好，兄弟？其實我同佢都係最近先撞返，同佢都唔係咁熟，我就真係只當佢係朋友，兄弟既話……佢好似比麻煩我多過有幫過我ＷＯ。

繼續唔想理佢，睇左阿琪既ＭＳＧ先。

阿琪：我就快返到去拿
阿琪：你點啊
阿琪：我未見過能蟹個樣咁驚架
阿琪：可能得你先可以治到佢（喊笑）
阿琪：仲咩唔應人啊
阿琪：我返到去拿
阿琪：去沖涼先
阿琪：沖完涼你就要應我架拿
阿琪：沖完ＬＵ
阿琪：舒服
阿琪：仲咩仲未應人啊


阿琪：係未我做左Ｄ咩野你唔開心啊
阿琪：係未我同能蟹去街無話你知你唔開心啊
阿琪：你答下我啦（喊）
阿琪：定係你已經訓左？
阿琪：我都訓拿
阿琪：聽日先再講啦
阿琪：晚安
阿琪：早晨啊
阿琪：你起左身未
阿琪：仲未應人既
阿琪：你到底咩事啊
阿琪：再係咁我都嬲架拿
阿琪：你係未發生左Ｄ咩野事啊？

唔知點解，我見到阿琪ＳＤ比我咁大堆野，我竟然無開心既感覺，我放低左部電話，出左房後刷牙洗面返黎後，見到阿琪打過比我。



唔止一通電話，兩三通電話。

就當我拎起左部電話想睇真Ｄ之際，阿琪又打左過黎。

「喂？」我接左佢電話，然後佢就問我：「你做咩野事啊，唔應人。」

「我岩岩先起身。」我答佢，咁我真係岩先起身。

「……係未真架？」佢問我，而我就答佢：「仲咩要呃妳。」

「你做咩咁惡ＷＯ？」佢問我，而我又答佢：「我幾時有惡啊。」

「……人地見到你無應機，好擔心架知唔知。」阿琪語氣聽得出有少少唔開心。



「咁妳打比我做咩？」我問佢。

「你係未嬲啊？」佢問。

「無嬲。」我答。

「你一定有，你以前唔會答得我咁簡單架。」佢又話，天啊，突然覺得被阿琪打敗。

「我真係無嬲啊ＯＫ。」咁我真係無嬲ＷＯ，就算嬲，都係嬲尋晚能蟹佢飲醉左玩電話。

「你真係無嬲？」阿琪又問多次，而我見佢係咁，唯有答佢：「本來唔嬲，但妳再咁問我就嬲。」

「咁我唔問啦。」阿琪呢一句終於有返笑容，「咁你都快Ｄ應能蟹啦。」

「唔應佢，等佢自己驚下先。」我答完後，阿琪就講左佢：「都唔知你嬲佢Ｄ咩。」



「我嬲佢咁大個人仲玩電話囉，成個細路仔咁唔識大。」我講完後阿琪笑得好大聲話：「係啊，佢真係個大細路。」

「咁仲有無咩野事？」我問阿琪，而阿琪就話：「我想去食早餐啊。」

「咁妳未去食囉。」我唔知點解呢一刻想咁答佢，亦都估唔到我竟然會咁答佢，然後佢聽到我咁答，就話：「陪我食。」把聲仲好可愛添。

見阿琪咁，諗左諗後就話：「咁一陣樓下既茶餐廳見啦。」

「好。」阿琪好開心咁回應我後，就收左線，而我就換左件衫出門，而出門之際，我收到能蟹既ＭＳＧ。

能蟹：阿牛，有件事想同你講下

而家唔想理佢住，等同阿琪食完個早餐之後先再算。