[愛情無限loop] 就係咁，我做左女神一年既備胎: ７６ 醉意濃
唔通……係我飲多左？
「牛兄啊？唔通係我飲多左先以為果邊果個女仔係呂晨？」ＪＵＤＹ同我一樣既諗法。
我再望真Ｄ，係真架，果邊個果女仔，就係啊晨黎架，佢同平時既打扮，差好遠，仲有，平時只有Ｄ狗公痴埋佢度，而今日佢就自己主動痴埋去果個男人度。
「呂晨點解會痴埋去果個男人度架？」ＪＵＤＹ問。
而我就同佢講：「記唔記得上次我話呂晨間房入面有好多相係同某個男人影既，未就係呢個男人囉。」
「哦，明白了。」ＪＵＤＹ望向我身後既呂晨，「唔係掛。」佢用一個好不屑既眼神望，而我見到佢咁，我又望返過去，見到既情境係，呂晨同緊果個男人ＫＩＳＳ緊，而果個男人就伸左隻手去坐係佢隔離果個女人既短裙入面。
「呢條仆街唔撚係呂晨條仔啊！？咁撚識嘆咀緊一個又摷另一個！人渣黎架！」ＪＵＤＹ睇到愈黎愈火滾，仲想行過去添，但我就制止左佢，「人地Ｄ事，唔理得咁多。
「點可以唔理！雖然我唔係幾ＬＩＫＥ呂晨，但話晒大家係女人，點可以比呢Ｄ狗公咁樣做。」ＪＵＤＹ話。
「妳未又係圍繞緊係兩個男人之間……」咦！？大鑊！我呢句本來係心聲黎架ＷＯ！點解講撚左出口既。
ＪＵＤＹ聽到我既說話後，呆左咁望住我坐返低，眼神放空望住某一點，然後答我：「你講得岩，我好似無資格話人。」佢拎起左一支白酒就咁飲。
「……我講下架咋，妳唔好咁啦。」係而家呢一刻除左呢樣野，我都唔知仲有咩好講。
「唔係！你岩！我而家呢Ｄ處境！點可以阻止果邊條仆街做Ｄ咁既野ＷＯ！！！」我諗ＪＵＤＹ係飲醉左，因為佢呢句係好似發酒癲咁叫出黎……係啊！係叫出黎啊！叫到呂晨果枱都望左過黎啊。
而呂晨望過黎果陣，就正正同我對到眼，不過，佢迴避我既眼神。
「牛兄你做咩望住人啊？人地唔撚想比我地知道見到佢係呢個酒吧度同條仆街飲野啊！你仲望過去做咩柒姐！快Ｄ望返黎呢邊啦！條臭閪攬住條仆街當係寶架！」拿，ＪＵＤＹ，講還講唔好手指指，指都唔好指住呂晨講啦。
我望一望呂晨果邊，只係見到個男人同呂晨講左幾句野之後，呂晨就行緊過黎，而果位男人，就帶左另一個女人唔知去左邊度。
「咁岩啊，你地又黎飲野啊？」呂晨好難得咁無用佢Ｄ嗲功叫我。
我點一點頭，而ＪＵＤＹ就話：「妳個八婆死埋黎做咩啊，仲唔死返去妳條仔度，我剛剛先見到妳條仔帶左果個女人去廁所果邊，而家都唔知係未幫緊妳條仔含緊啊，妳就唔快Ｄ去幫手逗住。」
原來飲醉酒既ＪＵＤＹ係咁。
呂晨見到ＪＵＤＹ咁款，以及佢所講既野，都係一笑至知，佢坐低左，望住我同我講：「上次，對唔住。」
「……下？」我飲左酒係遲鈍Ｄ，但我應該未醉，因為我醉左係會聽唔到野。
「我話，上次燒野食單野，對唔住。」呂晨好語重心長咁講。
「下……下次唔好未得囉。」我話。
「放心啦，唔會有下次。」佢笑左笑，然後拎左ＪＵＤＹ個酒杯。
「妳個八婆做咩拎我既酒杯啊，快Ｄ走啦，妳條仔係入面屌緊條女啊，妳仲坐係度。」ＪＵＤＹ雖然講得好粗俗，但係佢講既野都有Ｄ道理。
我望一望呂晨，佢笑，但係佢眼角有淚光，飲左啖酒既佢，忽然同我地講：「你地明白點解我係個跑ＧＲＯＵＰ度成日收兵啦？」
ＪＵＤＹ既目光已經係失焦，但仲應到呂晨，「明啦，大家女人，女神，我以前都做過！！！」
呂晨望到ＪＵＤＹ咁又笑左笑，而我，就不解地望住佢。呂晨望到我咁個傻樣，就話：「果個男人，係我男朋友，係一個比唔到安全感，而且傷害我一次又一次既人。」
佢講既時候仲係度笑，「傷害我一次，返轉頭哄我，我心軟，傷害我兩次，返轉頭哄我，我心軟，第三次、第四次、第Ｎ次……到最後，明目張膽係我面前同其他女人一齊，都當唔會一回事……」，但隱約間，我感覺到佢流緊淚，「我已經盲目，但又好唔甘心，所以，我要將佢既傷害變成對佢既不忠，佢傷害我一次，我不忠一次，佢出去識女仔，我就出去收兵。」呂晨既心，流緊淚。
原來一直而來，呂晨成日收兵，係填補緊佢心靈既空虛……
「我仲以為，妳係想同阿琪……」我既問題都未問完，呂晨就話：「想同阿琪爭？都有Ｄ架，係女人就會有妒忌心，呢Ｄ係女人既天性，天生就係一個爭奇鬥艷既動物，只不過我最望要既目的唔係佢。」
「係……妳男朋友？」我問。
「係。」原來呂晨一直係想報復佢男朋友先至咁做，「你係未覺得，我咁做好傻，唔係一個好既女人？」
佢呢個問題，咁似頭先ＪＵＤＹ問我既問題既。
「我都知我係一個壞女人……」「唔係，妳唔可以咁諗。」我係佢未講完之際就答：「妳要明白，愛情從一直以來就唔係一件簡單既事……」好彩頭先我有聽妳講野咋ＪＵＤＹ，「所以一個人好唔好，壞唔壞，唔可以單憑佢一次既感情用事黎斷定。」
呂晨眼角終於流出眼淚，而且佢用一個好期待我既答案既眼神望住我，咁，我點都要組織一個完美答案比佢先得。
「妳要用一生既愛，先可以決定到妳好定壞，甚至可能一開始係壞，但到最後妳都會變返好。」我話。
「點解呢？」佢問。
「因為人類總會渴望愛，而人類總會為愛而令自己變好。」我答。
呂晨聽到後，微笑左下，「咁我而家應該點做好呢？」佢雖然問左呢個問題，但睇得出佢而家既表情，唔係想渴求有一個答案。
但係，我決定比個答案佢，「跟我黎。」
我拉起左佢跟我一齊行，「你地去邊啊？」ＪＵＤＹ問。
「想知就跟住黎啦。」我一手捉住呂晨，一手拎住個冰筒，向住廁所進發。