[愛情無限loop] 就係咁，我做左女神一年既備胎: ５　第一次既命運相遇

講返我同女神第一次見面先，我好記得果日我約左阿珍同阿塔佢兩個人去場戲，套戲好似係「=14px哪一天我們會飛」，我地睇戲前約左食飯，三個人係茶餐廳入面，我雖然同佢地同枱，但係就好似做左佢地電燈膽一樣。

直到，一個電話。

「喂……我係啊……妳話交收，我地係尖沙咀啊……妳都係，咁不如我地一陣係地鐵站等啦……好，就Ｂ２出口等啦。」阿珍講完電話之後，就同我地講：「我一陣要去拎埋跑鞋先。」

「妳又買鞋。」阿塔用一個好嫌棄既眼神望住阿珍。

「咩野ＷＯ。」阿珍輕打左阿塔一下。



「咁去邊度拎啊？」我問。

「地鐵站Ｂ２出口．」阿珍答。

「咁而家行啦，拎完就應遂夠鐘睇戲。」我講，然後就出發去交收地點。

但我諗都無諗過，呢一次交收，將我命運改寫。