[愛情無限loop] 就係咁，我做左女神一年既備胎: １０６　又多隻牛

「咁就死啦，阿ＪＵ……」阿ＣＯＷ想講ＪＵＤＹ個名出黎，我即刻拍一拍佢，然後佢先醒覺話：「我個ＴＡＲＧＥＴ而家哄佢都無反應，咁姐係已經標籤左我係呆板無情趣。」

「係架。」能蟹仔好直接咁講，而ＣＯＷ都同直接咁好頹地低下頭。

「咁……有無方法解救？」我問能蟹。

「比我諗下先。」能蟹仔擺左個諗樣出黎，諗左好一陣後話：「你前題係做左ｄ咩，會令到佢咁先？」

ＣＯＷ就好似做錯野既細佬仔咁話：「我試過背住佢同令一個女人一齊……」



我都記得ＪＵＤＹ之前都有同我講過，我都好想知呢件事係點既。

「同過另一個女仔一齊？姐係一腳踏兩船？」能蟹問。

「又可以算係，有可以算唔係……」ＣＯＷ你講左野架拿？你呢句野咁矛盾既。

「咁姐係點啊？點樣又算係又算唔係啊？」能蟹仔問。

「因為我係同果個女仔幾日後就比佢知道左，然後我地就分開，咁樣算唔算係……」ＣＯＷ佢愈講愈細聲。



「咁就緊係啦，只要你係同一時間同兩個日一齊，無論係一日定一個鐘，都算係一腳踏兩船。」能蟹仔呢句講得好有道理。

「但我之後都同個女仔分開左去追返佢……」「關咩撚事姐！有發生過就有發生過架啦！」能蟹仔唔多好氣咁講，而ＣＯＷ一見到佢咁唔好氣後，就問佢：「係未因為我係男人咁做，秉以你開始發火？」

ＣＯＷ呢句說話唔單只令到能蟹仔反白眼，我都反左一反白眼，而能蟹仔就話：「唔關事，一腳踏兩船唔係男同女既分別，而係人既問題。」佢嘆一嘆氣，然後望住我講：「硬頸牛，你呢個朋友就硬頸過你ｗｏ，好似講極都唔聽既。」

我望住能蟹仔好無奈咁笑一笑，其實我都好認同佢咁講，但係你都唔駛當住人面前咁講掛。

ＣＯＷ聽到後仲頹咁低下頭問：「其實，我最大既問題係咩野？點解佢好似唔多想理我？」



而係呢個時候，一個人既出現嚇左我一跳，「你最大既問題，係你連最基本愛係咩野都唔知。」呢把聲好熟，我應該成日都會聽到，我望一望我身後講野果個人，「阿爸！你點解會係度既！」係老牛大人。

「我不嬲都會約朋友係度吹水架啦，男人既浪漫嘛。」佢答我，然後就望一望我個朋友，「我頭先都聽到你地所講既野，但係你呢位朋友就真係極品，好似未經人事開發既愛情白痴一樣。」

能蟹仔聽到老牛大人既說話，好同意咁點一點頭。

「係未要幫手啊？」老牛大人問，而ＣＯＷ就好用力咁點一點頭。

大鑊，今次愈黎愈多人整呢單野，我有一個唔好既預感……