[愛情無限loop] 就係咁，我做左女神一年既備胎: １２４　啪啪啪

我都唔知點解會無無啦比人捉左返黎，望住坐係我身邊果兩個人，仲有少少醉既ＣＯＷ，同比佢打左一身既Ｂ男。

同先ｄ警察問完話，就叫我地不如和解算拿，簿就唔落，咁都好ｄ，不過，我已經話左比阿琪知，而且佢覆我話同ＪＵＤＹ過緊黎。

我而家既心情不知幾咁緊張，緊張過頭先比警察捉返黎，因為，我都唔知一陣佢地三個人碰面後會發生ｄ咩野事。

「你地走得架拿。」其中一個警察同我地講。

「阿ＳＩＲ……唔好意思，我地等埋人黎接就走。」我答佢。



「都叫你地可以走啦，仲等咩人接啊，快ｄ出去。」個警察話，然後我地三個就慢慢行出去。

成個氣氛都好怪……

「都唔撚知我做錯咩野，諗住幫你地姐，無啦啦比佢打左鑊，然後仲要比人捉左返黎。」個Ｂ男係度講，你唔知做錯咩？你做得最錯未搞人地條女囉。

ＣＯＷ聽到佢咁講後，又衝左過去一腳踢落Ｂ男度，Ｂ男比佢踢後向前衝，撞到剛剛黎到既阿琪同ＪＵＤＹ。

我見阿琪比佢一撞，即刻衝過去扶住佢，「無事嘛？」阿琪佢搖一搖頭，而當我再望向身後，已經係佢地三個對峙緊既局面。



好平靜，但呢個平靜暗藏殺機。

「啪！」一下響亮既巴掌聲打破呢個局面，ＣＯＷ比ＪＵＤＹ打左一既。

我同阿琪呆左，ＣＯＷ都一樣呆左，而Ｂ男係度偷笑。

「啪！」又一下既掌既聲音，係ＪＵＤＹ打Ｂ男，今次連Ｂ男都呆左。

「啪！」又一既，係Ｂ男向ＪＵＤＹ還擊，ＪＵＤＹ喊晒咁掩住比佢打塊面。



「啪！」呢次係ＣＯＷ打Ｂ男，佢地三個一見面就開打，一句野都無講過。

「我地好唔好去阻止佢地？」我問阿琪。

「我驚我地上前阻止既話，會比佢地打。」阿琪答，無錯，我都係咁諗。

佢地三個互打左一輪後，怒目而視咁望住大家，首先講野既係Ｂ男，「你地而家想點？」

佢地無答，而Ｂ男就繼續講：「喂！而家唔係剩係我一個人錯晒ｗｏ，你地自己都有問題架，我搞到佢都要佢肯先得架，一隻手掌拍唔響架，而佢想比我搞就係你既問題，你睇唔實自己條女啊，所以我地三個都有錯，三個都有。」

「你講撚夠未啊！」ＪＵＤＹ大喝左一聲，然後話：「係，我係同呢個仆街搞埋一齊，係因為我覺得係佢身上先可以拎到愛既感覺，我要人錫架，我要人哄架，你比到我咩？」ＪＵＤＹ喊住望住ＣＯＷ，「點解啊？點解你比唔到我啊？點解要佢先比到我？點解係呢條仆街比到我而唔係你啊？」

「喂！妳好拿ｗｏ！唔好仆街前仆街後ｗｏ……」「啪！」ＪＵＤＹ又打左Ｂ男一既，「你係仆街啊！你同我一齊都係呃蝦條咋！你估我唔知啊！係我蠢我ｏｎ９先會衝埋你度咋！」

「妳唔撚好扮晒野啦，搞野果陣你不知幾享受，唔好講到好委屈……」「啪！」又一下，今次係ＣＯＷ打Ｂ男。



「你地兩個好拿！唔好再打……」「啪！」「啪！」「啪！」「啪！」「啪！」「啪！」佢地兩個不停輪扭咁打Ｂ男……

「痴撚線架你地兩個！我唔撚再想同你地呢班人癲！」Ｂ男，其實我都好同情你，不過你又係抵打，快ｄ走啦，唔係我都會忍唔住加入埋打你架。

Ｂ男就係咁兒戲比佢地兩個打走左，而ＪＵＤＹ同ＣＯＷ呢一刻就好尷尬咁對望住……