[愛情無限loop] 就係咁，我做左女神一年既備胎: １１０　齊歡唱

而家每日我都係兩邊不停咁通風報訊，當然阿琪就係知最多果個啦，甚至我要比咩料佢地，都要經過阿琪同意先，而今日，能蟹仔就諗到個ＩＤＥＡ，不過我見到佢個ＩＤＥＡ咁誇，應該唔ＷＯＲＫ，老牛大人一定唔贊成。

但係……呢個世界有樣野叫意外，有樣野叫萬一，估唔到今次老牛大人竟然贊成，ＣＯＷ見到有兩個人都話ＯＫ，緊係都贊成埋啦，而我呢一票……投黎都無用。

就係而少數服從多數既情況下，佢地決定搞呢一次既大龍鳳。

我緊係即刻話左比阿琪聽啦，但係能蟹仔話打鐵趁熱，係就快快出黎傾，估唔到老牛大人又贊成，所以，我地幾個又約左去果個大排檔度。

係個大排檔度，我帶住ＨＡＮＤＦＲＥＥ望住眼前果三個人。



「你帶住ＨＡＮＤＦＲＥＥ做咩姐？」老牛大人問我。

「無，呢排有個線上課程就快完，所以而家快手聽姐。」我是但搵個借口答佢。

「你有玩果Ｄ線上課程架咩？」能蟹仔問。

「有啊。」我ＨＥＡ答佢。

「你真係好學啊阿牛。」ＣＯＷ話，我懶得回應佢。



我而家一隻耳仔聽佢地講野，而另一隻耳仔就聽緊阿琪講野，我個腦都轉唔切應該聽邊度。係啊，我戴ＨＡＮＤＦＲＥＥ，係因為要比阿琪易Ｄ聽到呢三個人講野，而我今日就決定唔講野全程聽。

而阿琪把聲就係耳機度話：「醒目ＷＯ諗到個咁既借口。」我聽到佢咁講好笑左笑。

「我睇左你地講果個ＩＤＥＡ，其實之前我都想咁做，但係唔夠膽。」ＣＯＷ話。

「咁今次就要好好做左佢拿。」能蟹仔拍一拍佢既膀頭。

「無錯，一係唔做，如果做就要做到最好。」老牛大人話。



等我好簡單地講一講佢地既計劃先，其實都唔係好特別，而且頭先ＣＯＷ都講過話佢先前都諗到但只係唔夠膽，可想而知，呢個ＩＤＥＡ　應該好普遍。

無錯，佢地諗住玩快閃，其實我一見到呢個ＩＤＥＡ第一時間既神情係……唔係掛……因為上網已經見過有好多人用快閃黎求婚，仲要跳晒舞唱晒歌，又要叫埋雙方家長黎伴舞，然後就係男主角跳到身水身汗無啦啦消失左，原來去左拎花同戒子出黎，向女望角求婚，而女主角當然係一臉錯愕咁望住男主角濕晒啦……我意思係眼淚流到塊面濕晒。

然後當然係大團圓結局啦……我係話上網Ｄ片，其實我真係想講，放得上網果Ｄ就緊係我米成功架啦，唔通Ｄ人會放條失敗既上網比人睇咩，而且，放成功片係因為想更多既人搵果Ｄ人幫佢策劃快閃，唔係做咩放上去。

我聽個有幾個身邊既朋友都試過快閃求婚架，但係唔係成功果Ｄ囉，好既就會先答應你然後事同你講唔想結住，唔好既就係即場拒絕添。

有個仲搞到事後分埋手，其實，只要對方想同你結婚，就算你幾簡單講一句，佢都會答應你，呢Ｄ大龍鳳，有時都會變成反效果架。

「好啦！我地就決定用呢隻歌！」死火，掛住發白日夢完住唔知佢地講緊咩歌。

「喂，你仲唔快Ｄ　ＳＡＹ　ＮＯ叫佢地唔好用呢隻歌。」阿琪把聲係耳機度叫我。

「佢想用咩歌啊？」ＳＨＩＴ！！！我有無咁死蠢啊！？講左出黎都有既！而佢地三個聽到我喧問後，一齊望住我話：「家有喜事入面果首啊。」



下？家有喜事係電影黎架ＷＯ，歌黎架咩？

「邊首啊？」我再問，然後見到佢地清一清喉嚨，清唱：「齊歡唱～～～喔～喔～喔～～～家有喜～～啊～啊～～事～～～打！拿打打Ｄ打打！快～～～啊樂～吉啊～～～祥～～～咦咦咦咦咦咦～～～」

我Ｏ撚晒咀望住佢地心諗，咩諗野事啊……

「佢係星爺既ＦＡＮＳ，次次睇到呢度佢都會一路笑一路跟住唱架。」ＣＯＷ用一副胸有成竹既話氣講。

「有品味，識睇星爺既女一定係好女仔，我都好鐘意睇星爺架，ＣＯＷ你就有福啦識到個咁既女仔。」能蟹仔不停贊，而ＣＯＷ就好開心咁傻笑。

「星爺既戲，果然三到八十都岩睇，我都好鐘意佢架，耐唔耐都搵返佢Ｄ電影睇。」老牛大人，你講既係電視星期六日從播果Ｄ啊，係啊，你成日無咩野做就緊係睇架啦。

而阿琪，就係耳機度話：「睇黎佢地唔係想幫ＣＯＷ，係想整死佢咋ＷＯ，如果比著我，有人唱齊歡唱向我求婚，我實消失以後斷絕來往。」



我聽完阿琪既說話後，笑左出黎，而佢地三個就望住我話：「你睇，連硬頸牛都笑左，姐係同意啦。」

「佢緊係同意啦，我個仔ＷＯ，有我遺傳都好鐘意睇星爺架。」老牛大人話。

「多謝你地啊。」ＣＯＷ一副痛哭流涕望住我地好感激喧。

ＪＵＤＹ，真係恭喜晒妳……齊歡唱～～～