[愛情無限loop] 就係咁，我做左女神一年既備胎: ４９　埋單

但撞到阿琪個心真係痛到呢，而ＪＵＤＹ望到我咁，行左埋黎係我耳邊講：「痛左阿琪身，傷在阿牛心。」

真係咩野都瞞唔過ＪＵＤＹ雙眼。

「我真係無事啊。」阿琪可能見到我個樣好擔心咁話：「不過你再唔小心Ｄ我就嬲妳架。」佢扮作一個生氣既樣。

「知道知道。」我不停咁ＳＡＹ　ＳＯＲＲＹ，然後ＪＵＤＹ就話：「你行前面，我地兩個行後面。」

我好聽話咁行前面，而佢地兩個就係後面密密咁傾計，整到我全程車都心不在焉，佢地究竟係度傾咩野呢？



唔通係傾我既野？

買野既過程本來比想像中好，留意，係本來，因為到埋單找數果陣，又有另一個戰爭開始左。

「ＷＥＬＬ～今日我請大家，唔駛爭。」艾倫好瀟灑咁拎左個銀包出殷。

「緊係唔得啦，緊係由我呢個大隻仔比啦。」東尼一路ＳＨＯＷ　肌一路拎緊Ｄ錢出黎。

「唔係，等我比住先。」估唔到阿富都爭埋一份。



而無份參與戰爭既人，就係旁邊不停咁將Ｄ野遞比個收銀阿姐，而係呢個時候，呂晨係企左係我旁邊。

「牛牛～接住～」我不停咁接住佢遞比我既野，係我好唔情願之下，而接接下，佢無啦啦誚左句：「牛牛～你覺唔覺得而家就好似你接緊我對你既愛意咁啊？」

傻的嗎！？我比佢呢一句嚇左一跳，成半打可樂跌左落我隻腳到，痛到我彈起，而ＪＵＤＹ見到就係旁邊笑坐講：「抵死，頭先撞我同阿琪隻腳，而家報應啦。」

「咩話！？」「咩話！？」「咩話！？」

留意，唔係因為重要所以講三次，而係有三個人同時講，邊三個？係阿富、艾倫同東尼。



「ＷＥＬＬ～牛兄，你點可以傷到我地美麗既阿琪架。」艾倫一邊講一邊行近阿琪。

「未就係，你係未想死啊。」東尼就露出一副恨樣望住我，但人係行近左阿琪。

而阿富就無講咁多，第一時間行左去阿琪度問：「無事嘛？」

「……無事。」阿琪尷尬答左句去，走左埋我度，問我：「你整到腳無事嘛？」

係咁既情況，我緊係話無事啦，更何況我又真係無咩事。

但係阿琪咁樣一下既關心，我感受到身邊既殺氣愈來愈強烈。