[愛情無限loop] 就係咁，我做左女神一年既備胎: １１６　戒子閃爍

時間７點１５分，尖沙咀海旁，所有人都已經準備好，而阿琪今日都特登黎左，能蟹見到阿琪黎左，就同我講：「硬頸牛，你條女到左ＷＯ。」

「咩啊……唔係啊……」我無奈地望住佢，雖然我好想阿琪係我女朋友，但而家仲未係。

而老牛大人見到我地咬耳仔，就行左過黎問：「你地講緊Ｄ咩野啊？」

能蟹佢想話比老牛大人聽阿琪既野，但比我重重地打左一拳一粒聲都講唔到。

時間，７點２３分，我地既望角ＪＵＤＹ出現。



「目標出現，大家準備就緒。」我地食用手提電話加ＨＡＮＤＦＲＥＥ黎做聯系，能蟹既一聲令下，所有人埋位準備。

個計劃係ＣＯＷ同ＪＵＤＹ會係海旁行一陣，行到中途就會到我地快閃既地點，果度已經請晒舞者同準備好晒花同戒子，仲有好多汽球等等既花巧野。

而佢地兩個每接近目的地一步，我個心都好要跳出黎一樣。

「ＣＯＷ，你而家心情點？」老牛大人，佢而家同緊ＪＵＤＹ一齊行緊街，點答到你啊，我遠望住佢地兩個，見到佢地好似對話緊。

但，點解佢地既表情……係咁既……



行到文化中心外面，一隊ＬＩＶＥ　ＢＡＮＤ　唱唱下歌突然停左，一男一女行左出黎，企左係ＣＯＷ同ＪＵＤＹ面前，跳起舞黎。

然後，一對小童加入左舞團，慢慢身邊既路人散開，除左都係舞者既人一個一個行出黎跳舞外，最觸目既，係企左係中間既ＣＯＷ同ＪＵＤＹ。

但點解，見到佢地對話既表情……

ＬＩＶＥ　ＢＡＮＤ既結他手撥一撥手中既結他所有舞者更加起勁地跳舞，「喂，到我地去拿。」計劃中，我、能蟹同老牛大人都會參與一齊跳舞，我跑左上去，望住仲對話緊既佢地兩個，表情，雙方都好暴燥。

唔知係我聽力特別好，定係所有人都只掛住專心跳舞，點解好似得我一個人係咁樣，愈接近佢地，就愈聽到佢地嘈緊Ｄ咩。



「係啊！我頭先係去左佢度啊！咁又點啊！」ＪＵＤＹ話。

「咁又點！？係！我又可以點姐？我咩都唔係！我唔可以點啊係未啊！！！」ＣＯＷ話。

唔係掛，你地係呢個時候講Ｄ咁既野？

ＬＩＶＥ　ＢＡＮＤ演奏出計劃最高潮部分既歌，齊歡唱一奏出，所有人都唱住首歌，其實，都幾好笑下。

但係，我同阿琪就笑唔出，因為，我地望住仲嘈緊既ＣＯＷ同ＪＵＤＹ。

計劃係唱緊呢首歌既時候，一個人會拎住花同戒子，交比ＣＯＷ，而ＣＯＷ就下跪向ＪＵＤＹ求婚，但係，所有人好似唔知佢地嘈緊，跳得熱烈，唱得高興，果位拎住花同戒子既人，好快就行到ＣＯＷ同ＪＵＤＹ既面前。

預定結局，係ＣＯＷ拎住花同戒子下跪，ＪＵＤＹ感動講出Ｉ　ＤＯ兩個字，ＣＯＷ為佢戴上戒子。

但係，事與願違，應該係，一早知道係失敗既結果，但無諗到，係咁樣失敗。



花被一個人扔落地下，戒子係ＪＵＤＹ面前，不過唔係幫佢戴上，而係比一個人狠狠地扔左落海。

而扔花落地同扔戒子落海既人，係同一個人，係ＣＯＷ。

手一揮，戒子閃爍劃過既一跳弧線餘光，好似帶住ＣＯＷ既決意以及灑脫。

「係要用好大勇氣，因為佢地要先否缺自己，然後先可以灑脫地放下一件事」老牛大人呢一句又係我腦海中出現。

我呆左，阿琪呆左，能蟹呆左，老牛大人呆左，在場既所有舞者都呆左，最重要既係，ＪＵＤＹ呆左咁望住ＣＯＷ。

而ＣＯＷ佢慢慢行到ＪＵＤＹ面前，佢眼角既眼決比佢而家既氣焰所蒸發，故起勇氣既佢講出以下呢一句：「我而家只係想做返自己。」然後，轉身離去。

ＪＵＤＹ望住遠去既ＣＯＷ，跌坐在係地上，眼淚流下，慢慢失聲痛哭。



「ＪＵＤＹ！」阿琪衝左過去攬住佢，佢喊得仲厲害，而現在，所有人都不知所惜，我唯有將仲不在狀況內既能蟹叫醒，走向已經嘆息不已既老牛大人面前，叫佢地兩個同我一齊請Ｄ舞者離開。

那束花，靜靜咁訓左係喊得好慘既ＪＵＤＹ身邊，本身，束花應該係可以好幸福咁係佢手上面比佢拎住架……而戒子仲慘，佢而家沉睡係維多利亞港，自己一個人冷清清。

時間，７點４５分，ＪＵＤＹ佢，喊到失晒控，而我同阿琪對望左一眼，唔通，我地低估左我地兩個既計劃對佢既傷害？