[愛情無限loop] 就係咁，我做左女神一年既備胎: ２５１　兩巴

而金姐既年紀，生得出咁大既女都唔奇，我同阿琪一聽到金姐咁講後呆左一呆，而不知情既能利只係係旁邊不停話：「睇黎呢個女人屋企有問題先會變成咁，可能唔關能蟹事。」

我地唔知，因為我同阿琪心目中既金姐，係一個識好多野，整野好好食，好識我人情故及好開通既人，從來都無諗到會見到金姐而家咁既野，佢係喊晒不停央求住阿銀叫佢返屋企，係差在無跪落地。

但阿銀好似不為所動話：「幾年前我已經同妳無關係，所以妳唔駛理我，我而家覺得自己所做既野好自由同好開心，我而家咁開心點解仲要返到以前做你個乖乖女啊……唔好意思，唔記我妳已經唔係我既媽媽，我唔配做妳個女。」

「阿銀啊……」金姐繼續央求，而佢地兩個既拉址，已經開始吸引其他人既目光。

而係呢一個時候，阿銀講再我頭先提過既一件事，「妳跪既話我都可以考慮下。」



竟然，我聽到阿銀咁講，無名火起，而睇黎阿琪都係一樣，因為佢突然掐住我既手臂，仲掐得好大力。

金姐，妳唔好答應佢跪啊，但係……「好，好，我跪完妳就跟我返去。」

唔可以，我唔可以比金姐係大庭廣眾跪既，一定要阻止，但當我衝出去果陣，已經有另一個男人做同一件事。

ＳＵＮＮＹ！佢衝左出去扶起左差Ｄ跪低既金姐，然後一巴打左落阿銀度，呢一巴，係果剎那唔止重重地打落阿銀度，仲好似將空氣打到靜止左一樣。

「妳癲夠未！」ＳＵＮＮＹ喝左一聲，阿銀嚇到震左一震，然而，過左幾秒後佢就笑住問：「先生，你邊位啊，我同佢既事關你撚事啊？」



「我係妳阿媽既男朋友！佢既事就關我事！」ＳＵＮＮＹ好大聲咁講，仲攬得金姐好實。

而阿銀聽到後又笑左笑話：「估唔到妳咁撚老都溝到仔，但係妳自己都係咁，就唔好過黎叫我唔好做果Ｄ野啦。」阿銀講完後，就醉步離開，臨走前仲話：「呢一巴，同幾年前既果一巴，我一定會還返比妳。」

金姐想追，但係比ＳＵＮＮＹ阻止左，「佢根本唔會跟妳返去，妳就唔好再做Ｄ無謂既事。」金姐聽到呢一句後，喊得好勁咁攬住左ＳＵＮＮＹ。

係旁邊睇住一切發生既我地，除左能利，我同阿琪都百感交他，我地有上前安慰既衝動，但係理智話比我同阿琪聽，而家唔係上前既好時機，所以我同佢都無行過去。

但係遠處望佢去，我真係未見過金姐會咁無助。



曲終人散，所有本心諗住睇熱鬧既人都離開，而能利就話：「快Ｄ搵返果個女人啦。」

估唔到，今日跟呢個女人，會見多左一件事。