[愛情無限loop] 就係咁，我做左女神一年既備胎: ２７６　情侶檔

就係馬高一講完之後，就有好幾個人唔知係邊到推左幾車酒出黎，係……無錯……係幾車……

「我就唔鐘意搞咁多野，又玩咩野杯疊杯、細杯跌入大杯、咩野乒乓球咁，爽爽快快，呢度六車酒，你地搵三個人出黎，我地呢邊又出三個，飲到訓低晒三個就輸，就係咁簡單。」馬高講完後，我先慢慢從果六車酒移去佢身上面。

六車酒啊！三個人出黎飲都要一人飲兩車啦！佢講緊果Ｄ一車車係超級市場買野果陣用果Ｄ啊！仲要係大ＳＩＺＥ果隻啊！

「我呢邊就求其搵幾個人出黎啦，你地果邊搵邊三個出黎啊？」佢真係講得輕鬆，我望一望身邊既大家，男既加埋我只係得四個人，仲有一個阿塔但佢做緊臥底又唔可以叫佢，但係第一場遊戲就出左三個男仔，跟住果兩個遊戲點呢？

「玩咩撚野玩啊而家！我地做咩要聽佢講啊！一齊衝上去搶返能蟹返黎未撚得囉！」能利無啦啦講呢一句又幾有道理ＷＯ，我聽完佢講後，大家你眼望我眼，好似都覺得能利講得岩，但不過……



「……不過你都開到聲，就同你條撚樣玩下啦。」無錯啊，能利笠水啊，因為唔知邊度行左幾個大漢企左係我地面前，本來我以為今日女多過仔，Ｄ仔唔知去晒邊，但我突然間覺得原來我先前既想法係錯既。

能蟹係遠處見到我地咁，都係度嘆惜。

「點啊？諗好派邊幾個未啊？」馬高又問。

好啦，點都要玩，就我啦，「我……」「我去！」邊撚把女聲搶左我既風頭，我望一望突然係我身邊殺出黎既身影，係ＪＵＤＹ。

「妳傻左咩，要飲好多酒架。」講野既係ＣＯＷ，我睇得出佢好擔心ＪＵＤＹ。



不過ＪＵＤＹ呢一刻眼中，只有仇視緊既馬高，「呢條仆街咁撚串！我就要佢輸得心服口服！我以前都比佢玩得耐！今日就同佢玩埋最後一次！然後各不相見！」

「但係妳都唔駛衝出黎啦，仲有我地……」「ＣＯＷ！我衝出黎同佢鬥！係因為我想率先親手教訓呢條友！仲有！我唔想我地兩個以後心入面有條剌！」ＪＵＤＹ既眼神好堅定，而馬高聽到ＪＵＤＹ既說話後，都忍唔住拍住手話：「妳講到咁，如果我唔落場玩既話，就係比人話我唔係男人。」

ＪＵＤＹ聽到佢咁講後，笑左笑話：「你唔好講得咁易，如果係男人既，三場遊戲都親身上陣。」我諗ＪＵＤＹ係想用激將法。

而馬高好似中計，「無所謂，出黎玩左咁耐，有咩野我未見過，未試過。」

馬過確認玩晒三場，而今場我地呢邊第一個衝出黎既係ＪＵＤＹ，第二個仲唔係我，「我……」「我又落場！」今次係把男聲，我望一望又係我身邊閃出黎既身影，係ＣＯＷ。



「如果妳玩係為左以後我地兩個心中無左條剌既話！我點可以企係妳身後面睇住妳飲啊！」ＣＯＷ行到ＪＵＤＹ既旁邊，望要馬高話：「就算今日我要飲晒呢一輩子既酒！我都同你死過！！！」

頂……頭威比佢地落晒啦，今次一定要快過其他人衝出去，「我係第三個！」今次終於無人同我爭。

而我地呢邊確認左三個人之後，馬高果邊都搵多左兩個人，而第一場遊戲，就快展開。