[愛情無限loop] 就係咁，我做左女神一年既備胎: ２５９　兩把聲音（終於返黎可以更新）

比呢兩條友仔擺左上臺，佢地要我做既當然係Ｄ苦活啦，我覺得……

我跟住佢地兩個身面，拎住兩大袋既啤酒，「點解……要買咁多……」真係好多，其實用兩大袋形容都唔貼切，應該係兩大車。

「我係出黎玩慣既朋友口中得知，阿銀佢每個星期都會去一間私場到玩，而且果個私場仲會有Ｂ男係度，咁岩今次個私場我有一個朋友負責，所以未拜託左佢幫我囉。」ＳＵＮＮＹ係我前面話。

「點幫你啊？」我問。

「一陣你未知囉。」ＳＵＮＮＹ笑得好奸咁話，而能蟹好似知少少情咁問：「其實以你呢個方法，一定會搞亂個場，點解你朋友又會幫你？」



「因為佢欠我一個人情。」ＳＵＮＮＹ話。

而我就繼續好辛苦咁係佢地後面拉住果兩車酒。

果個私場係一個工業大樓入面，入夜後果度附近無咩人，所以幾嘈都無人知，而呢度既負責人就將其中一半層打通晒比班人玩，講真，音樂嘈成咁，就連出面街都聽到。

入到個場，跟本你只會聽到好勁既音樂，原全聽唔到其他人講野，如果你想同人講可以點做？好簡單，抄牌，ＳＤ　ＭＳＧ，咁樣變相左易左抄人牌添。

能蟹：一陣你將Ｄ酒拎去後面先
能蟹：我同ＳＵＮＮＹ去搵一搵阿銀同Ｂ男係唔係度


我：兩車酒咁重
我：得我一個人做？

我ＳＤ完呢句後，ＳＵＮＮＹ又再ＳＤ左條片出黎，佢地兩個同好賤格既眼神望住我，而我就好唔忿氣咁點左點頭，最後就死死地氣拎左兩車酒入後面。

而我拎兩車酒入去果陣，我係後樓梯聽到兩把好熟既聲音，不過因為太嘈，我又唔確定係邊個，果兩把聲音，一把係男聲，一把係女聲。

就當我想去睇一睇既期間，我電話又響起，係能蟹既ＭＳＧ。

能蟹：［語音短訊］


能蟹：［語音短訊］

我開左黎聽，但係……我只係聽到好嘈好勁既音樂，能蟹把聲我一句都聽唔到。

我：打字啦撚樣
我：咁嘈點撚樣聽到你講野啊
能蟹：我地搵到阿銀同埋Ｂ男
ＳＵＮＮＹ：［圖片］

我望一望ＳＵＮＮＹ既圖，然後走左出去諗住搵果張圖既地方，而當我出去果陣，我聽到果把好熟既男聲。

「妳黎得呢Ｄ地方就未撚係度扮野啦！」果把男聲好似有少少嬲。

「痴線！走開啦！我要去搵返我既朋友！」把女聲話。



然後，我就聽到一下開門既聲音同埋個男人好大力打緊一Ｄ鐵狀物品既聲音。

呢一刻企左係門口既我有少少震驚，我雖然見唔到呢兩個人，但呢兩個人把聲我一定認我，因為把男人聲，係阿塔把聲黎，不過阿塔既聲音唔係令我震驚既原因，令我震驚既原因，係果把女聲，係阿琪把聲。