[愛情無限loop] 就係咁，我做左女神一年既備胎: １０　約埋一齊返屋企

短短既一程路時間雖然唔係好多，但係我想要既野都已經達到，不過我係唔可以比我地之間有ＤＥＡＤ　ＡＩＲ　存在既，所以我不停咁諗話題，第一次見面，最好當然係問佢問題啦……我認為。

「係呢，妳去諾士佛臺做咩啊？」我問。

「無啊，約左人飲野。」阿琪答，但面露難色。

我好奇怪咁望一望佢，然後問：「妳唔想去？」

而阿琪就勉為其難咁笑左笑：「少少啦。」



「妳大既會飲到幾點啊？」我問。

「唔知啊……」阿琪答完反問返我：「仲咩咁問？」

「無啊，我睇下我地睇完戲果陣你仲係唔係附近，如果係的話可以一齊返屋企嘛。」我突然覺得自己其實都幾醒，可以咁樣搵個借口去問可唔可以同佢一齊返家。

「都好啊，咁你一陣睇完話我知啦。」佢答。

ＹＥＡＨ！得左。



行到去ＴＨＥ　ＯＮＥ　門口……

「喂……就夠鐘拿牛哥，你係未要送到人上去先安樂啊。」阿塔話，頂你個死仔玩野啊。

「係啊……Ｄ戲飛係你度架，一係你比Ｄ戲飛我地，然後你再同阿琪一齊啦。」阿珍，妳係未都找死。

我望一望佢地，然後再望一望阿琪，「咁……」「唔緊要啊，我去到呢度就識路架拿，唔該晒你。」佢答。

「咁妳自己小心Ｄ拿。」我話。



「知道拿。」佢答。

等到阿琪走左後，果兩條友仔又一個不詭企圖既目光望住我，「點啊，同先我地兩個醒水嘛。」

無你地兩個咁好氣。