[愛情無限loop] 就係咁，我做左女神一年既備胎: １４８　試用期？

過左幾日，阿富都係會不停咁ＳＤ　ＭＳＧ比阿琪，不過阿琪就用能蟹叫佢用果招，唔單只唔理阿富，而且係適時就好絕咁同阿富講狠話，打擊阿富既自信。

而跑步活動，就變得更複雜，有阿琪既地方，而家唔只有阿富，仲會有能蟹在場。

只要阿富一接近，阿琪就會閃去我同能蟹度，而能蟹就會上前阻住阿富，甚至主動咁遠黎佢地，明眼人其實好易睇得出，我地係特登咁做，而明精眼利既金姐一眼就睇得出，拉左我埋一邊同我講。

「搞咩野本來得阿富煩阿琪，而家又多左過架？」金姐問我，我當然唔會話比佢知阿琪同能蟹扮情侶既事啦，「阿琪同能蟹夾得埋掛。」

「都唔會無啦啦咁ＷＯ，佢地兩個有Ｄ怪，好似係特登扮比阿富睇咁。」嘩！金姐妳係未真係咁醒啊。



「佢地唔會咁做掛……」我答金姐，而金姐就望一望阿琪同能蟹，然後同我講：「如果我係阿琪，比阿富呢重咁堅持既男人煩住，我都會咁做，你睇下佢地兩個，行表生硬一Ｄ都唔親匿既，唔係扮既話係咩啊。」

我尷尬地望一望阿琪同能蟹，佢地既行為又真係好似金姐所講咁有Ｄ生硬，但係我點可以認同金姐既說話呢，「唔係啊，好親匿啊。」

「咁都親匿！？」金姐聽到後咁講後話：「你平時同阿琪出相入對，食飯分開坐但成日眉來眼去，身體接觸多過佢而家對能蟹咁多，你同阿琪仲親匿過佢啦。」

嘩！估唔到平時金姐唔多出聲，佢都幾留意我同阿琪架ＷＯ，我聽到佢咁講後，笑笑口話：「有咩？」

「牛仔，你鐘意阿琪大定一早知架拿，但係你見到阿琪同另一個男人做Ｄ咁既野，你唔嬲架咩？」佢呢個問題，其實我都唔知點答，不過為左大局著數，我只有，「唔嬲啊，點解我要嬲？」



金姐聽到後咁講後搖一搖頭，「咁阿富呢，你見阿富而家咁落力追阿琪，你又有咩反應？」

「我……」金姐今日做咩個個問題都咁中架，「我邊有資格嬲ＷＯ。」

「牛仔，有時Ｄ女人鐘意男人ＭＡＮ　Ｄ架。」金姐語重心長同我講：「我唔會睇好阿富，因為阿琪擺到明唔想同佢一齊，只係佢不停煩阿琪，希望佢早Ｄ醒啦，但我更唔想能蟹呢個人同阿琪一齊，能蟹呢個人擺到明係玩家，阿琪點會同佢一齊架。」

金姐講既野，我當然知啦，只不過而家只可以搵到能蟹佢幫手，希望佢呃唔到金姐，都呃到大家啦，就算呃唔到大家，都希望佢呃到阿富。

跑完步，當然各自返屋企啦，阿富即刻行過黎同阿琪講：「我送妳返去好唔好？」



阿琪聽到後，就即刻撓住左能蟹隻手，而能蟹就好識趣咁話：「唔駛拿，我會送佢返去。」

阿富佢唔係放棄，就話：「咁大家順路，一齊返，我去拎Ｄ野先。」佢講完呢句就行開左。

能蟹望住阿富既遠去，就話：「呢個人都幾捱得架ＷＯ。」

「所以你地知我呢幾日幾煩啦，我最後都用一個好明確既話句同佢講左次我同佢係無可能，但係佢就答我話比一個月我適應佢，一個月後再睇下點。」阿琪露出左一副身心疲累既眼神望住我。

「估唔到佢會用以退為進。」能蟹話。

「幾時先會完……」阿琪問，而我只可以拍一拍佢既膀頭鼓勵佢。