[愛情無限loop] 就係咁，我做左女神一年既備胎: ２２０　你就想

尋晚成晚訓得唔好，因為不停係度諗究竟老牛大人講過想點同佢慶祝呢？

就算真係訓左，都記得發夢果陣都好似係關於老牛大人，如果真係發到佢話過答案比我知就好，但係果夢入面，佢只係不停打我既頭，整到我起身果陣，都真係有少少頭痛。

簡單咁刷牙洗面食早餐後，睇一睇部電話，見到既係阿琪既短訊。

阿琪：你尋晚返到去點解無話我知？

死火，尋晚一返到去就比老牛大人既問題煩左成晚，真係唔記得左ＳＤ　ＭＳＧ比阿琪添。



我：對唔住
我：尋晚一返到屋企就比阿爸捉住我係度問話
阿琪：問咩啊？
我：阿爸佢就快生日
我：佢話佢有同我講過要點慶祝
我：但我諗黎諗去都唔記得
阿琪：不孝啊你
阿琪：阿爸講既野你都唔記得
我：連妳都鬧我（喊）
我：我尋晚成晚都無咩點訓到


我：就係因為諗呢個問題
阿琪：咁諗左成晚
阿琪：諗到未？
我：未（喊）
阿琪：（喊笑）
阿琪：放過你啦今次
阿琪：見係你忙緊你阿爸既野
阿琪：你一定要記返起啊
我：知道



同阿琪ＭＳＧ左幾句後，我就出門返工，成程車都無咩精神，而個腦都繼續諗緊老牛大人既問題，突然又收到阿琪既ＭＳＧ。

阿琪：係未阿你爸爸食飯啊？
我：應該無咁簡單
阿琪：佢想要收Ｄ特別野做禮物？
我：都唔係
我：如果係咁我一定記得
阿琪：佢係未真係有講過架（喊笑）
我：佢話佢有ＷＯ（喊笑）
阿頁：係未想你帶個女朋友返去佢睇啊（喊笑）
我：如果真係咁
我：咁到時可能要麻煩妳扮我女朋友拿（喊笑）

ＳＤ　左出去後，我先發現點解我可以咁大膽同阿琪講Ｄ咁既野，正當我準備ＳＤ多個ＭＳＧ話講笑果陣，見到阿琪覆左句。



阿琪：你就想（喊笑）

雖然佢只係覆呢一句，但係我都好心滿意足覆佢。

我：我好想架
阿琪：（喊笑）

我真係好想架，當然啦，如果唔係扮既話就最好不過啦。