[愛情無限loop] 就係咁，我做左女神一年既備胎: ２５４　一發不可收拾

其實我同阿琪都諗住唔會將果日見到金姐既事講出黎，咁當然就連阿銀都唔講啦，不過呢件事能利知道，姐係能蟹都知道，所以當佢知道阿銀係金姐個女果一刻，佢就好驚訝咁話：「唔撚係掛，香港係未真係咁細啊。」

老實講，香港其實真係幾細，唔係就唔會唔夠地起樓啦……

講返正題先，我地知道左呢件事後，都有個協定唔會將呢件事係個跑ｇｒｏｕｐ度講，但係我估唔到既個協定就只有我、阿琪同能蟹三個人，而能利係毫不知情……

講到咁，我諗大家都估到咩事啦，就係一次突然既機會……真係黎得好突然，突然到我都估唔到。

果一晚，跑步既活動本來一早約左好多人，但點知果一有少少雨，好多人都因為天氣既問題唔出黎跑，不過，我、阿琪同能蟹就好少理天氣跑既人，所以都照常出席，而且能蟹都想知道我地跟阿銀果日既事，當然事前佢已經知道阿銀係金姐個女啦。



而果晚跑步既活動，金姐同ＳＵＮＮＹ都有黎，整到能蟹果晚都好避忌講野咁，而且睇得出佢好似驚左金姐咁……應該話唔係驚，係突然好專敬佢，所有野，只要金姐話一，能蟹就唔敢話二，真係可以話果一刻既能蟹真係聽話過隻狗。

而金姐見到能蟹咁樣，都好奇怪咁問：「你係未做左ｄ對我唔住既事先咁架？」呢一句無心既問題，真係直中要點啊，係旁邊既我同阿琪真係笑到收唔到聲。

呢一既既跑步因為少左好多人，所以好快就完，而金姐跑完就提意我地一齊去食飯，咁能蟹都話左聽話過隻狗，金姐話去佢點會話唔ｏｋ，所以就一齊去左食野。

但在食野期間，金姐佢接左個電話，聽完呢個電話後，金姐成個人都慌晒，佢同ＳＵＮＮＹ咬完耳仔後就話：「我地有ｄ緊要既野要做，要走先。」

「駛唔駛我送妳啊，我今日有開車黎。」無錯，唔知點解今日能蟹開左車黎跑步，咁金姐聽到能蟹咁講，當然話好啦，然後佢就同能蟹講：「我地而家要去醫院。」



咁其實人地去醫院我都唔多想理，但係能蟹又話怕一個人面對住金姐同ＳＵＮＮＹ，所以，就叫左我同阿琪一齊跟住去，我同阿琪就因為咁一齊去左醫院。

講到呢到大家係未覺得好怪呢，點解無啦啦會發展到去醫院既，我都好想知，但事實就係咁發生，最搞笑既係開車其間，能利不停話要搵能蟹，能蟹是但講左話要去醫院，所以能利都仆左去醫院。

可能，係上天想安排今次大家既會面掛，因為直到而家回想呢一刻，我都覺得呢一切既發生，真係難過中謙合彩。

去到醫院，其實一直唔知點解要黎呢度既我終於問金姐，「其實點解妳要黎醫院既？」

金姐一副緊張話：「我個女入左醫院，所以我要黎睇佢。」



下！？金姐個女？未姐係能蟹話比佢害左果個女仔？未姐係果日叫金姐跪低果個人？未姐係比ＳＵＮＮＹ打左一巴既女人？未姐係……姐係今晚咁齊人，未好容易知道晒件事囉！？

仲未諗到咁多既能蟹陪左ＳＵＮＮＹ去搵護士問野，所以聽唔到金姐頭先講既野，我諗如果佢知道，能蟹一定成個人呆晒。

而係我旁邊既阿琪都聽到，佢聽到既第一刻就即刻拉一拉我既衫尾話：「而家好大鑊ｗｏ，而且能蟹個女朋友黎緊，一陣佢黎到未死得。」

係，阿琪講得好岩，能利黎到真係死得，不過已經無得阻止，因為能利已經係我眼前果個門口走左入黎，「能蟹係邊度啊？點解佢要黎醫院架？」

佢一入到黎就亂叫一通，我行左過去話：「能蟹無事。」然後拉埋佢一邊，本身想叫佢今日唔好講果一晚既事，但我都未拉佢，佢就一下推開我：「你條ｏｎ９仔死開啦，我要搵……」

係啊……佢同金姐正面對望緊……

「妳未係果晚比自己個女叫跪得果個女人？」金翅仆街鳥……

「咩果晚？咩跪低？妳係邊個？」金姐問。



「前晚啊，我地幾個跟緊一個女人，然後妳衝左出黎又扯又叫佢跟妳返屋企，之後佢未叫你跪囉，然後……然後果邊果個男人就走左出黎打左妳個女一巴嘛，我地果日三個都見到架。」能利……其實妳咁好記性真係好勁……但係有無人講過有事好記性唔一定要講晒ｄ野出黎，妳有無諗過而家既處境係點架……

能蟹企左係旁邊ｏ晒咀咁望住能利，而我同阿琪都唔知講咩好企左能利既身後面，亦姐係金姐直接望到我地，呢一刻，我見到金姐望住我地既眼神，好尷尬。

之後，能利仲講多左樣野，「整到我條仔以為係佢害左妳個女，係佢搞到佢要四圍學壞啊。」

仆！妳！個！臭！街！

最唔想妳講果句妳都講埋出黎，金姐聽到能利咁講，本身尷尬既表情無晒，換成左一個好認真既眼神望住能利問：「等等，妳頭先講咩野？可唔可以講多次？」

「我話，整到我氣仔妁為佢害左你個……」「啪！」能利都未講完，金姐就衝左過去能蟹到打左佢一巴，「原來係你！原來係你呢個人令到我個女變成咁！！！」金姐好嬲咁話。

呢個，就係果一晚發生既事……其實都唔可以話係果一晚，因為其實只係剛剛發生完既事，我同阿琪望住面前一發不可收拾既局面，露出一副無助既眼神。