[愛情無限loop] 就係咁，我做左女神一年既備胎: ９８　一齊過

我同阿琪佢並排咁跑，就好似平時練跑一樣，只不過係速度比平時少少，跑左大既３Ｋ左右，慣左呼吸節奏，個身都跑熱，係時候加快。

我慢慢援加速，步距拉大，而阿琪好似知道我想做咩，都慢慢加速。

「你跑快左，隻腳有無事啊？」阿琪問我，而我搖一搖頭答佢：「無事既。」

到左第一個水站，我地兩個拎左杯水，含左啖係口，而剩低既就濕一濕後頸，因為有ＧＲＯＵＰ　ＭＥＭＢＥＲ教咁樣做個身體會易Ｄ散熱，唔好似其他人淋個頭，根本無用。

但當我想將個紙杯扔去垃圾桶果陣，前面有條頭到一條金色海參頭既人突然一個急停，打亂左我既步伐，而且仲撞左上去……「小心Ｄ啦你！」被我撞到果個人破口大罵，我心諗，有時比人撞到，係唔關撞果個人時，係你ＯＮ９無啦啦停係度，就好似係旺角行街，行行下前面果條友突然間停撚左係度，你都會撞到前面果個人啦。



但唔知係未比賽緊，我無咩怒氣，只係回而一句：「對唔撚住。」我覺得我好有禮貌。

果個人聽到我既道歉後就跑開左，而當我想開步跑之際，一下觸電既感覺由先前人傷既地方傳遍我全身，我成個人打左個突，然後感受到右腳肌內既拉扯，再慢慢變成繃緊。

「你無野嘛？」阿琪問我，佢好似好擔心，但我盡可能咬實牙關答佢：「無野，我地繼續。」阿富佢仲跑緊，雖然唔可以贏佢，但都唔可以輸得咁難睇。

我無理咁多開步向前步，每一下右腳既落地，就好似踩住一條漏電既電線上面一樣，每一下都電到入心入肺。

臉容難而隱藏我既痛楚，係幾痛，但我都要跑落去。



「你係未又整親隻腳！」阿琪好擔心咁問。

「無事，我可以繼續。」我婉轉咁答佢。

「你真係又整親隻腳！」阿琪話：「唔好跑啦，我地叫人幫你。」

「唔可以！」我唔知那裡來既力氣，大聲左對住阿琪話：「呢次係我第一次同妳跑步！我唔希望過唔到終點！」

阿琪眼定定咁望住我，呆左一陣，就話：「咁我地跑慢Ｄ好唔好？」



我點一點頭，然後，我地兩個繼續跑。

一路上，痛楚不停侵襲，但可能習慣都會對痛有效，跑多左一陣，痛楚既感覺減少，肌肉都無再繃緊，我開始跑得愈來愈輕鬆。

而且係呢個時候，灰色既天空好似開始落起雨，雨勢都幾大下，唔知係未錯覺，Ｄ雨一打係我身上面，成個人輕左好多咁，就好似，Ｄ雨水變成我既痛楚麻醉一樣。

我見到咁既情況，又開始加速，而阿琪見到，就係後面喝住我：「你又跑快！？」我無點理佢，但係當佢再講呢一句：「你再跑快我就以後都唔理你。」

阿琪，妳好野，妳出絕招我唯有……唯有……聽話囉。

我減慢返速度，而阿琪跑到同我並排，「係要我講到咁你先肯聽話。」佢講。

「對唔住。」我答。

「一到終點你就知死。」佢講。



ＯＨ！唔知我係會點死呢？

已經跑左一大半路程，見到都好多人已經開始行緊，果Ｄ人大部份都係一開始果陣死衝果Ｄ人，後力不繼，而我同阿琪就慢慢一個個咁過左佢地，見到有人係旁邊影相果陣線，我地都不忘擺左個靚跑姿。

係咁大既雨勢下，Ｄ影相既人都繼續幫我地影相，真係好感謝佢地。

又到另一個水站，我今次好小心翼翼咁去拎水飲，而今次我又見到果條金色海參頭，不過今次係佢撞到人，果個仲要係名大媽，佢不停比個大媽鬧緊，我經過佢時不防對佢露出左過有同情但帶點恥笑既表情望住佢。

雨勢漸細，離終點既距離亦都愈減愈少。

「一陣去飲茶好唔好？」阿琪問我。

「妳個為食豬連跑步都諗野食。」我笑住講。



「咩ＷＯ，要懲罰你頭先腳痛都加速，你請我。」佢笑住答返我。

「好，無問題，不過我今日唔係帶左好多錢咋。」我答佢。

「跑完返家拎再出去食。」阿琪一臉得呈既樣子，然後話：「跑步就專心Ｄ唔好傾計啦。」小姐，好似妳自己傾先ＷＯ，不過佢自己講完都忍唔住笑。

好快，終點就係我地面前。

「一齊過。」我同佢講。

「好。」阿琪點一點頭。

第一次既馬拉松比賽，就係咁就結束左，同阿琪一齊起跑，一齊到終點，比雨淋到成身都係，撞到人整到自己舊患複發，對同阿富既打賭完住唔在意，今次既成績，１個小時０８分，係我第一次跑馬拉松比賽既成積……唔係，應該話，係我同阿琪第一次跑馬拉松既成積。