[愛情無限loop] 就係咁，我做左女神一年既備胎: １６　一齊跑步去

當人係緊張既時候，真係會訓唔到架，我都唔知我有無訓過，我只係知道我成晚都不停咁轉姿勢訓覺，又好似覺得有訓過，但係又好似覺無。

我仲要係個鬧鐘響之前就已經起左身，尋晚好明顯係訓得唔好，所以起左身沖左個涼，洗左舍面，然後好早就已經著好晒衫係個廳度望實個鐘。

仲有成兩個幾鐘先到，好唔好小睡一下呢？

都係算，我驚一陣真係訓過龍就唔好……就係咁，我坐在係度等到差唔多時間就起行。

今日既天氣唔錯，係有少少凍，不過唔緊要，跑過去約會地點當熱身，但唔知係未唔夠訓既關係，今日跑起上黎係有少少吃力。



跑到公園，我ＳＥＮＤ　左個短訊比佢問佢係邊，佢好快就覆我話係小食亭。

一知道佢既位置我當然立即跑過去啦……拿，各位，我呢Ｄ應該唔算係狗衝掛。

跑到佢面前，慢慢咁停低。

「你咁快就跑拿？」佢微笑咁問我，我真心覺得佢真係笑得好好睇。

「無，諗住熱身姐。」我答。



「我仲未熱好身啊，你等一等我，我要拉多陣筋先。」佢講完後就自己拉筋，話時話，佢Ｄ筋都幾軟下。

而我就當然係旁邊陪佢拉啦，拉果陣時仲問我：「你通常會係點跑架？」

比佢咁樣一問，我都唔知點答好，是但答左佢：「……用腳跑囉。」

鬼唔知阿媽係女人咩，我答咩春啊究竟，佢聽完我既答案後，笑左笑又問：「我係想問你係度跑既地方係點？係圍圈跑定跑街？」

哦……原來佢係想問呢Ｄ，「我圍圈跑咋。」



「我都係啊，有時有Ｄ人會叫我出街跑，但我又驚我唔識路，所以都係圍圈跑算。」佢答。

咦……同時我有無聽錯，阿琪話「其他人」，姐係……