[愛情無限loop] 就係咁，我做左女神一年既備胎: １３７　好衝擊啊！！！

上天永遠都會排都好多野去磨練一個人既意志？定係，佢好撚鐘意玩９人，睇佢地就快得到既時候，係都要再做多Ｄ野令到個目標又走遠？

點解我會咁講，可能，因為我開始發覺有Ｄ野係事以願為……

明明‵我既減肥磅數就快到２０磅，點解無啦啦又會升返架，你話上天係未好鐘意玩９人，係都要人類不停咁減肥，唔係既話就不停比Ｄ脂肪你，整到你肥腫難分，變到樣衰成隻豬咁。

但又有Ｄ人好似食極都唔肥架ＷＯ，真係呢……

自從成人同阿琪行街食野，只要我有幾日無跑步，就會好快升返磅，無他既，可能呢Ｄ係幸福既象徵掛。



而今日星期六，我同阿琪都會好似平時咁，約出黎食下午茶，不過今日有少少唔同，因為，落大雨，而且，係我出左門之後先落大雨，所以，我……無！帶！遮！

阿琪就一定唔會帶，因為佢平時好大頭蝦，佢帶遮出街用永遠都係一次性，點解？就係佢用完一次之後，次次一放得實會唔記得拎走把遮。

而且佢唔只成日唔見遮，仲會時不時唔見銀包、鎖匙、電話都試過唔見，不過佢次次都可以搵到方法話我知等我去救佢，甚至我要配定幾條後備匙比佢而備不時之需。

落坐大雨既我係某處等緊阿琪，而阿琪比我早一步到，所以無我咁濕。

「你比雨淋到咁濕既。」阿琪望住我係度笑。



「妳都係啦。」我狼狽地擦一擦臉上既雨水，而阿琪呢個時候就拎左一張紙巾出黎幫我擦。

我望住幫我擦面既阿琪，心中不知幾甜，「想去邊度食野啊？」

阿琪諗左諗，然後話：「我想去超級市場買Ｄ野先啊。」

「好啊。」我望一望身後既大雨，「但係要去超級市場，要衝去對面馬路ＷＯ。」

「係啊，咁你準備好未啊？」阿琪突然既一問，我呆左呆，而佢都未等我回神，就做左以下另外更呆既動作。



係落緊大雨既情況下，阿琪佢跑係我前面，佢用左手放係頭到，嘗試去擋住果Ｄ根本擋唔到既雨水，而右手，就捉實我隻手，捉得好緊，好似，驚鬆開我隻手一樣。

而我，腳自然跟住阿琪既步伐，任由雨上打係我既身上，我所戴住既眼鏡早已經佈滿水點，但我都係好清楚咁見到，原來，唔係幻覺，阿琪真係捉到我隻手實一實。

好暖，好暖，就算係咁既大雨天下面，都感覺阿琪傳比我既體溫。

直到，我地衝到去對面街，阿琪先放開手，擦去身上既雨水，而我，都回返神擦走身上面既雨水。

「行ＬＵ。」阿琪無再拖住我，我係有Ｄ失落。

可能今日因為落雨，個商場有好多人因為避雨或者想留係室內，所以今日個商場睇上去好似特別迫。

「今日咁多人既。」行係我身後既阿琪話，而走係前面既我回答佢：「係囉，多人到咁既。」

我用盡方法行係阿琪前面為佢開路，而突然間，手壁上面感覺到一種熱。



「好多人啊。」阿琪既表情好自然，而我望一望我手臂，原來，佢撓住左我隻手。

「……係，好多人。」我回答佢一句後，就繼續向前行，個心跳得好快，點解呢，點解既……

同阿琪買野既果一程，佢住程都撓住左我隻手係度行，而我，就好似一隻馴服左既小貓，乖乖咁跟住佢行。

買完野，我地去到我地成日食野既茶餐廳。

「又係你地兩個啊，今日食咩啊？」幫手落單既哥仔已經見慣見熟，阿琪露出左一個友善既微笑，然後話：「我要雪菜肉絲米粉，奄烈轉太陽蛋，佢就要五香肉丁米粉，唔駛轉野，然後兩杯凍檸水走甜。」

「姐係列牌啦，你地兩個次次黎都係叫呢Ｄ野架啦。」我地兩個聽到落單既哥仔咁講後，笑左出黎。

「今日我地有湯丸ＷＯ，你地試唔試下啊？」下？咁搞笑，茶餐廳又會有湯丸既，而我望住阿琪，見到佢一副很想要的樣子，所以就話：「要一份啦。」



「好既，等你地食要正餐再拎比你地啦。」哥仔好快手寫完就走左，而阿琪就笑得好開心咁話：「好野，有湯丸食。」

點既餐到左，阿琪佢列牌唔食個包，比左我食，所以，我有咩辦法唔肥先得……

食完後個哥仔就拎左Ｄ湯丸黎，一份有五粒，單數？點同阿琪分呢？但係我黎緊呢個問題果陣，阿琪已經好快手咁拎係粒湯丸，咬左一半，「豆沙……」我望住被咬左一啖既湯丸，流出既既豆沙，然後又望住阿琪又拎起另一粒湯丸咬左一啖，「花生……」

我一路望住佢將五粒湯逐粒我左一啖然後放返入個碗度，佢呢個舉動令我呆左問佢：「妳啦啦都咬過一啖，我點食？」

佢就望實我話：「食晒佢，唔準講野。」佢係用一個嬌嗲既話氣命令我話。

我望住個五粒湯丸，咁樣，未同阿琪間接接吻！？