[愛情無限loop] 就係咁，我做左女神一年既備胎: ２０２　緣份的廷續 （補返更新）

話到要幫ＪＵＤＹ慶祝生日，所以阿琪就約左Ｄ人出黎買野整蛋糕，我就當然係其中一個人啦，而拾拾同七三廿一都黎，其他人？能蟹個死仔話有野做最後放飛機，ＪＵＤＹ係主角當然唔會叫佢啦，而阿ＣＯＷ都會黎但因為有Ｄ野做，所以會後到。

而我地就約左係超級市場等。

同平時一樣，最準時既係我同阿琪，我地兩個到左就唔得佢入左超市行住等。

平時都同阿琪一齊行超級市場，所以佢要買咩野我大既都知，本身仲諗住果兩個人好耐先到，可以同阿琪二人世界一陣，點知佢地係我同阿琪入左超級市場後，過多五分鐘就到。

拾拾同七三廿一，可以話係前後腳到，就係只差幾秒咁，我同阿琪見到咁樣，都衝口而出話：「你地兩個約埋架？」



七三廿一尷尬咁回應：「岩岩一齊到姐，邊有咁多約定。（

而拾拾聽到七三廿一咁講，就有少少失望。

成個買野既過程都好順利，但係唔知點解，我總係覺得有一個人係我地身後面跟住我地，唔知係我既錯覺定點。

阿琪都察覺到我成日心不在焉，所以問我：「做咩事今日四圍望既？」

「無啊，我覺得好似比人跟住姐。」我答阿琪，但點知阿琪咁樣講：「邊有人咁得閒跟住你ｗｏ。」



咁又係，邊有人咁得閒跟住我呢。

但係呢一種感覺都係一直存在，直到拾拾既電話突然響起，佢望一望個電話來電後就無聽，然後，係一個無來電既電話，拾拾拎住個電話後，猶疑左一陣後就接聽，「喂？」佢喂左一下，然後過左一秒後就好驚咁收左線。

收左線後既拾拾佢望一望周圍，好似成個人慌失失咁，而我見佢就問：「咩事啊？」

拾拾還顧左周圍一陣後，就吱唔咁話：「……無野。」

唔通，係Ｂ男既電話？



而當我咁樣諗既同事，我終於見到身後，一直令我有被人跟住感覺既果個人，原來，Ｂ男一直係我地身後面跟住我地，而佢跟既果個人，當然係拾拾。

所有人都唔知Ｂ男既出現，就只有我，而佢都察覺到我發現左佢，所以就轉身走人。

我見到咁，為左唔好驚動其他人，決定自己一個跟上去，而阿琪見到我行開就問：「你去邊啊？」

「我想去拎ｄ野姐。」我答左阿琪後就繼續跟，但Ｂ男佢走得太快，就算我走到超級市場前面都見唔到佢個人影。

算啦，人都唔見左點搵都無用。

就係呢個時候，ＣＯＷ到左，佢一臉茫然行去我面前，然後同我講：「阿牛，我好似見到先前同ＪＵＤＹ一齊果個男人。」

估唔到ＣＯＷ同Ｂ男又撞上。