[愛情無限loop] 就係咁，我做左女神一年既備胎: ２６５　我哭了（補返更新）

經過今次後，本來以為未比Ｂ男點相既ＳＵＮＮＹ可以容易ｄ埋佢地身，但係點知因為果一晚後，ＳＵＮＮＹ都黃左。

不過如果比著我，我都可能會好似ＳＵＮＮＹ咁做。

ＳＵＮＮＹ不停叫我地唔好將今日既事講比金姐知，因為佢怕金姐知道阿銀有食丸仔呢件事，會令到佢更加擔心佢，然後又唔知做出ｄ咩野。

我同能蟹都答應左佢，不過我地就要再諗下有咩方法可以幫到阿銀。

其實果一晚過後，本身好自責既能蟹就更加自責，我作為兄弟既，就只可以話佢知呢ｄ野唔關佢事，所有事情都係果個Ｂ男搞出黎。



其實我地同呢位Ｂ男真係幾有緣下，ＪＵＤＹ既事、拾拾既事、直到而家呢一件事，但如果呢一份真係緣，應該係孽緣，而且，好似仲慢慢加深添。

同佢地散左之後，我一個人返屋企，係呢條返屋企既路上，我諗返呢一晚既事，但係，所諗既事全部都係關於阿琪。

好諷刺，其實呢條路我同阿琪行過不下數十次、數百次，次次都係好開心咁行，但點解今日得返我一個人行既時候，我個心咁痛既？

係因為ｄ咩野令到我有咁既感覺呢？

突然間，我腦海入面不停出現以前同阿琪一齊既點滴，但唔知點解，每個點滴都係阿琪對我講多謝我既畫面。



去到最後果一個，就係頭先阿琪同我講對唔住既畫面。

呢一個對唔住，好似將之前所有多謝抵消晒咁。

就好似之前所講咁，呢個世界上有好多三個字既句字，多謝你、對唔全、我愛你……等等，我係好想係阿琪口中聽到佢愛我，但係我又係未一個值得佢為我咁講既人呢？

到最後，佢可能只覺得我係一個只值得講多謝你既人，而到頭先果一刻，佢講左一句對唔住……

點解？點解我塊面開始有ｄ濕既？我望一望上個天，無落雨架，但點解好似有一滴又一滴既雨水係我塊面流咁既。



我用手擦一擦果ｄ水，但係擦極都仲有，到最後，我放棄左擦面，只係企左係度喊緊，自從同前度分手後，我都未試過喊到今晚咁。

我既喊，係喊出聲，可能係因為我最近都無好好發泄內心個憂傷。