[愛情無限loop] 就係咁，我做左女神一年既備胎: ２３１　個男人係阿琪既！？

醫生話最後係度觀察多陣，聽日先出院，醫生都咁講，所以我地唯有離開，走果陣，我望一望旁邊既阿琪，佢爸爸不停咁話佢，而佢媽媽就捉實阿琪隻手，好似想幫佢但無能為力，只不以同佢一齊默默接受，而阿琪就好可憐咁係度飲泣但唔敢出聲，可能佢怕一出聲就比爸爸打。

臨離開果一剎，我同阿琪有一下眼神接觸，感受到阿琪既無助，以及求救。

就係呢一下眼神，我返左轉頭，「世伯，你唔好再係度鬧阿琪，阿琪搞成咁唔關佢事，佢都唔想，而家阿琪佢已經好唔舒服要休息，你可唔可以比佢休息下先啊。」我連珠爆發咁同阿琪爸爸講，佢見到我咁都呆左一呆。

但都只係呆一呆，然後佢就話：「死靚仔，我教女駛你教，你做左幾多日人啊，你知唔知一個女仔咁夜係街就搞到入醫院係幾大件事啊。」

「我知道，但係我更加知道如果呢一刻連家人都怪佢既話，佢就無左最後既後盾你又知唔知。」我講完後，阿琪爸爸無聲出，只係行到我面前然後問：「你係我個女好朋友？」



「係。」我答佢。

「咁點解你唔好好睇住我個女，搞到而家佢入左院？」佢問呢個問題，換返我唔知點答佢：「……我……」阿琪爸爸無等我既回答，就獨自走開左，而阿琪媽媽話：「阿琪既朋友仔啊，我老公係咁架拿，你唔好怪佢。」

「我唔會架伯母，阿琪係佢個女，佢緊張係正常。」我答，而伯母微笑左一下話：「都夜拿，你快Ｄ返去休息啦，我想係度陪阿女多一陣。」

我對伯母點一點頭後，再望一望阿琪，見到阿琪無咁唔開心，都放心離開。

而頭先既一切，果班友仔，姐係阿珍、能蟹同七三廿一都見到，佢地不停起哄話：「阿牛，同先你好ＭＡＮ　ＷＯ，係阿琪父母面前拎左唔少分啦。」



「未玩啦你地。」我答，然後我回想頭先既事，我真係無諗過我會同阿琪爸爸講果一Ｄ說話，其實我講完出黎都怕阿琪爸爸有好大既反應，需然結果都唔算幾好，不過好彩都唔算最壞。

而當我地幾個行到升降機前，果個男人走左出黎，係ＷＯ，頭先一直都唔記我有呢一個男人既存在。

呢一個男人行到我地既面前，然後話：「多謝你地送阿琪入黎。」佢好認真向我地道謝。

「唔駛客氣，阿琪係我地好朋友，阿琪出左事我地應該咁做。」阿珍話，然後問果個男人：「其實你係阿琪既邊個？」

個男人微笑左一下話：「我係阿琪既未婚夫。」



我係阿琪既未婚夫……

阿琪既未婚夫……

未婚夫……

呢三個字就好似回音咁係我腦入面不停衝撞，呢三個字對我而家呢一刻既震撼，我可以話比你地知真係好比宇宙大爆炸一樣，我呆左而帶驚訝既眼神望住呢個男人，「……未……未婚夫！？」

唔止我，就連另外個三個人都接受唔到呢個事實。

只見眼前既男人仲微笑緊唔知發生咩野事，而我地四個就已經好似坐左幾千次過山車一樣。