[愛情無限loop] 就係咁，我做左女神一年既備胎: １３　唔比就算

拎到阿琪電話既我，緊係即刻ＳＤ短訊比佢啦，但就正當我想ＳＤ野比佢果陣，一個奇蹟出現左，就係我見到佢竟然輸入中。

我地係同一個時間，但係唔同既地點做緊同一樣野，我地真係好有緣份。

阿琪：我頭先好早就走左ＬＵ
我：點解既？
阿琪：覆得咁快既，睇完戲拿？
我：係啊，剛剛睇完。點解咁快返去既。
阿琪：無啊，唔想係果度，所以坐左十五分鐘就走左。
我：仲諗住同妳一齊返去添。


阿琪：你又知我同你一定岩路架拿（喊笑）
我：其實我先前見過妳架拿。
阿琪：真係！？
我：係啊，有時我早上跑步會見到你架。
阿琪：原來係咁，你都有跑步架？
我：有啊。
阿琪：咁下次可以約出黎一齊跑ＷＯ。

佢主動約我啊！我成個人開心到彈起咁滯！



而行係我前面既阿塔同阿珍就不停咁回頭對住我笑，不過我而家都懶得理佢地。

阿珍話睇完戲想去廁所，而我同阿塔就係外面等佢，係等既時候，阿塔問我：「你有阿琪電造拿？」

「有啊。」我答。

「比我。」佢話，而我聽到佢咁講後，嚇左一嚇望住佢，然後問：「你要黎做咩？」

「無，我想買波鞋，想搵佢買姐。」阿塔答得好唔自然，睇黎呢條友仔有Ｄ野，而我見佢咁，就話：「你問阿珍拎未得囉。」



阿塔聽完我咁講後，就應我：「佢先唔會比我。」佢唔比你，咁我都唔會架ＷＯ，同埋你問得咁隱悔，一定有Ｄ野。

我望住佢，然後講：「你有阿珍就未搞咁多野啦。」

「痴線，都話想買波鞋，唔比就算。」佢答，但答到不停咁回避我既眼神。

而我呢個男人既鈍角，我可以猜測到，阿塔佢瀨左野。