[愛情無限loop] 就係咁，我做左女神一年既備胎: ３０９　九死一生

「可唔可以講你個計劃我知？」能蟹簡單直接咁問我。

其實，我個計劃好簡單，「我想陪阿琪一齊返大陸，係佢醫病既時候陪住佢。」無錯，就係咁簡單。

能蟹聽到我咁講後，深呼吸左一下後問我：「咁你屋企人點啊？」

「我爸爸同我講左一番話，佢話我到呢個年紀，係時候選擇自己既路，所以，就算我想做ｄ咩，佢應該都會支持。」我答左能蟹後，能蟹只係搖一搖頭：「兩父子都一咁傻。」

然後，能蟹又問：「咁你份工點啊？你上到去既生活開支呢？」



我認真地諗左一陣後答佢：「呢幾年我都有ｄ貯蓄，我諗都可以應付到。」果筆錢，其實本身諗住果陣貯黎同前女友結婚果陣用，不過講到明已經係「前」，而且，我本身有無咩野要用到錢，所以一直都放住係度無郁過。

能蟹聽到我呢個答案後，又係搖一搖頭。

「咁你上到去生活方式同文化都會好唔同，你接受到咩？習慣到咩？」能蟹問。

「我覺得呢個又唔成問題，我不嬲份人逆景處理都好強。」我答完後，能蟹無奈咁嘆左一口氣，「咁又係……」

佢再飲左啖酒後話：「而家既你跟本已經決定左去，我點講都無用。」佢用酒樽同我個杯碰杯，「記住，見唔對路就返黎，點都唔好戰死沙場。」



「係都傻傻地既，你講到我好似去打杖咁。」我笑住同佢講。

「唔似咩，跟本你上去陪阿琪，就同去打一場無把握既杖一樣，被動得黎又唔會知道有無好結果。」能蟹話。

佢呢一句道話，其實我聽到後內心都好動容，我答左一句：「好可能，我由一開始識阿琪果陣，已經預左要踏上呢一場戰爭。」

「咁姐係你明知去死都要去做。」能蟹話。

「可能，會九死一生呢。」我講完呢一句後，我地兩個都大笑左出黎。



係，可能，我就係而九死一生呢一個心態，先可以一直等阿琪，以及為阿琪付出自己既所有。