[愛情無限loop] 就係咁，我做左女神一年既備胎: ２９３　失憶

呢件事就咁完結？
當然唔係啦，一訓醒，就見到有好幾個ｍｓｇ係由一個新ｇｒｏｕｐ　ｓｄ　出黎，而果個ｇｒｏｕｐ既主題係去探阿銀。
而且，原來都開左好幾個鐘，同埋好似差我未表態。
然後再睇，原來阿琪都有ｓｄ　ｍｓｇ　比我。
阿琪：起身未啊？
阿琪：佢地話一齊去睇阿銀啊
阿琪：未訓醒？
阿琪：係未發生左ｄ咩野事啊？
阿琪：呢排咁多野發生
阿琪：你唔好嚇我啊


阿琪有時擔心一個人都諗得幾多架ｗｏ……
我：無事啊我
我：剛剛先訓醒
然後我就係個ｇｒｏｕｐ覆左個ｍｓｇ話一齊去，睇一睇個時間，原來只係早上十一點幾，所以我地約好左食完個ｌｕｎｃｈ後一齊去探阿銀。
ＪＵＤＹ同ＣＯＷ因為今早先係醫院出黎，所以我地叫佢返屋企休息下先，況且而家所有事都大既搞好，佢地幫左咁多忙，都應該好累。
而坐係度既人，除左食住面前既野食，個個都想講野但又唔敢，直到，能利講：「本身呢一餐應該係慶功宴，但估唔到……」能利未講完，能蟹已經打左佢一下。
其實，佢講得都岩，如果無發生阿銀撞車件事，可能，結果會唔一樣，不過，呢個結個算唔算差呢？而家其實仲未知。
食完野，我地一行人出發去探阿銀，不過醫院通常唔會比咁多人一齊去見佢，所以我地係病房外面輪流入，而我同阿琪就係第一組人入去。
係入去既路上，我地見到ＳＵＮＮＹ行出黎。
「佢點啊？」我問行到我地面前既ＳＵＮＮＹ，而佢只係無奈咁笑左一笑話：「唔知係未個天唔想阿銀再服苦落去，個天送左一份禮物比阿銀。」


ＳＵＮＮＹ呢一句，令到我同阿琪都好不解，正當我同佢行到病房果陣，見到阿銀坐床上面，金姐就批緊蘋果比佢食，而銅ｓｉｒ就同阿銀係度有講有笑。
係一個好溫馨既場面，我同阿琪見到咁都覺得好開心，不過，點解佢地會有咁既場面既？
阿銀見到我同阿琪，用一個好奇既目光望住我地，然後問銅ｓｉｒ：「阿爸，佢地……係唔係我既朋友啊？」
朋友？我地係妳既朋友？
「唔係啊，佢地係妳媽媽既朋友，特登黎睇妳架。」銅ｓｉｒ答，然後金姐笑左一下，阿銀就望住金姐問：「媽媽，你朋友佢地真係好，特登黎睇我。」
媽媽？先前仲好嬲既阿銀，叫金姐媽媽？
我同阿琪真係好唔明白點解無啦啦件事可以去到呢個地步，金姐望到我同阿琪呆左既樣，笑左出黎，阿銀見到金姐無啦啦咁笑，不解地跟住笑，而銅ｓｉｒ就一路笑，一路行到我同阿琪既面前，好細聲係我同阿琪既耳邊講左個答案：「我個女佢失左憶。」