[愛情無限loop] 就係咁，我做左女神一年既備胎: ２２１　終於諗到

係呢幾日，我地都討論緊要點樣先可以引到Ｂ男出黎然後查佢到底點樣知道拾拾既行蹤，其實我地做左好幾個假設，其中一個係覺得佢用一Ｄ　駭客軟件，我又叫過七三廿一拎拾拾部電話睇，但係無咩野發現，不過都唔排除呢個可能性。

而另外既就係其實Ｂ男日日都跟住拾拾，但係呢幾日而黎，我地都輪流陪住拾拾，唔發覺有咩野人跟住佢。

仲有一個，係能蟹提出既……「可能Ｂ男有超能力，又或者識落降頭之類既野。」唔呢Ｄ超自然既野都有可能發生……掛……但係機率應該唔大囉，如果我識超能力既話我唔會拎黎跟蹤女仔，我會諗點發達先囉。

呢幾日入面，我地就不停打探Ｂ男既行蹤，知道佢一個星期會落幾晚尖沙咀飲野飲到好夜，然後就返去佢附近既住所，唔怪得知佢鍾意去尖沙咀度飲野啦。

而呢一個消息，就要多謝阿琪Ｄ朋友提供，因為阿琪一同佢Ｄ玩慣既朋友講呢件事，佢地就義不容辭幫手。



不過我見到咁就有Ｄ擔心，因為佢Ｄ朋友清一色男仔……而我就唔知自己擔心Ｄ咩，係一種莫明奇妙既擔心。

我地計劃呂晨住引Ｂ男接近，最緊要係拎Ｂ男既野比我地ＣＨＥＣＫ，呂晨仲好大膽提出要去Ｂ男度，但我聽到佢咁講就反對，因為我覺得太危險，阿琪同阿珍都係咁諗。

但係呂晨就話如果唔深入Ｄ探討既話，可能會咩野都搵唔到，佢仲話：「到時我有咩事，你會第一時間衝出黎救我架嘛。」呢一句講完後，能蟹同七三廿一都係搶住答。

但我依然覺得，如果呂晨真係咁做，一定好危險。

「今日就傾住咁多先，黎緊呢幾日就會行動，所以大家見個計劃有咩野要改進既地方，就即刻出聲。」呂晨講完呢個總結後，我地就散會。



「呂晨，妳真係要咁做？」我問。

「係啊。」呂晨好有自信咁點一點頭，然後哄左埋黎問：「你緊張我啊？」

「係朋友緊係緊張啦。」我好認真咁答，但係呂晨就好似講緊笑咁話：「我就係想見到你咁樣。」

「未玩啦，危險架。」我好認真咁同佢講。

而佢就收返笑容話：「我都係認真，我唔想見到有個女仔比呢Ｄ賤男影響而唔幫手，我以前都係過來人，我只係想做我可以做到既野。」



「但係……」「我決定左架拿，改唔到，而且到時有你保護我，我唔會驚既。」呂晨對我呢一種信任係好事，但我都唔想佢用自己既安全黎話我知佢對我既信任。

因為今次係去呂晨屋企開會，所以就唔駛送佢返家，而我就當然同阿琪同一條路啦。

「呂晨咁做真係好咩？」阿琪問，我諗佢仲擔心緊呂晨既做法。

「我都有同佢講，但佢話佢決定左咁做。」我答阿琪。

「呢件事希望快Ｄ解決就好拿。」阿琪仰望住天空，今夜既天空需然無星，但係都好靚。

「如果呢件事完左之後，同妳去食好野開心下囉，好唔好？」我問阿琪。

「緊係好啦。」佢好開心咁答：「我仲有一套戲好想睇添啊。」

「咁我地一齊睇好唔好？」我問。



「好啊。」阿琪既快速回答，跟住係我既開心，然後……咦！突然諗到Ｄ野，我停住左腳步，阿琪見到我咁就問：「咩事啊？」

「我諗到拿阿琪。」我同阿琪講，而阿琪就不解咁望住我問：「諗到Ｄ咩啊？」

「我諗到阿爸同我講過想我同佢做Ｄ咩拿。」我終於記我，原來老牛大人有同我講過佢想睇一套戲。