[愛情無限loop] 就係咁，我做左女神一年既備胎: ６３　生態頻道

我同佢地係廳到等，一路聽到佢地好開心咁笑既聲，個心就好有衝動咁想衝過去幫手，但金姐同ＪＵＤＹ係都叫我唔好，究竟我應該聽佢地話，定係依照自己內心而行動呢。

就係我內心交戰既時候，佢地就走返出黎。

「你地將Ｄ野放係度。」呂晨示意將Ｄ野放係一張大枱上面。

「等我黎，你地去坐。」暖男阿富立即發輝佢溫暖萬民既威力，佢既一眾女ＦＡＮＳ當堂濕晒……我意思係流眼淚。

「好感動啊，阿富你真係好好人。」其中一個女ＦＡＮＳ　話。



「係囉，如果我係你女朋友就好拿。」又另一個女ＦＡＮＳ　係度講。

而阿富微笑左一下，然後望各阿琪，阿琪無理過佢，只係埋首咁執緊Ｄ野上枱。

另一邊就係狗公們圍住呂晨，而呂晨平時訓練佢地咁耐，佢地既質數已經去到聽教聽話，但只不過呂晨好似唔知應該點安排Ｄ野放邊，所以攪到好亂。

「不如我幫妳啦。」阿琪好心咁問呂晨，但呂晨無理佢，只係繼續指揮佢Ｄ寵物。

我就坐左係度睇住呢班人既行為……「你覺唔覺得好似睇緊生態頻道咁啊？」ＪＵＤＹ問。



「係，好似。」金姐回答佢，但我唔明ＪＵＤＹ講咩，問佢：「點解係生態頻道？」

「唔似咩？阿富果邊就係一班乸既圍住個皇咁，就好似獅子一樣，而呂晨果邊，就好似成班公既係一隻乸面前表現自己既長處，爭餐死，想令佢為自己心動，就好似野牛一樣。」ＪＵＤＹ一邊睇一邊話我知佢既見解。

「妳講到咁，阿琪夾左係佢地兩班人之間，咁佢係咩？」我問ＪＵＤＹ，但係卻係金姐既回答：「操縱生殺大權既人。」

下！？姐係黠？

阿富放完Ｄ野，自自然然咁行左去阿琪果邊，問佢：「有無野要幫手啊？」



阿琪無望個阿富，只係講左句：「你去幫呂晨仲好啦。」

「阿富真係勁，面對呢個咁曲線既食檸檬，都可以不為所動係度笑。」ＪＵＤＹ用一個欽佩既眼神望住佢話。

「係囉，阿琪擺到明唔想ＳＨＯＷ佢，佢都可以一而再，再而三咁作出行動，真係勁。」金姐都用讚嘆既語氣講。

佢地兩個講既野我唔多在意，我在意既係點解佢地手上面多左包花生架？

「要唔要食Ｄ？」ＪＵＤＹ問我。

「你地兩個真係食住花生等睇戲架ＷＯ。」我話。

「一路都話左你聽係架啦，我而家無咩怕，我只怕我Ｄ花生唔夠。」金姐話。

聽到佢地兩個咁講，我都唔知好嬲定好笑，但係呢個時候，阿琪望向我果邊，而我見到佢望住我，就用眼神問佢做咩。



而佢就就用眼神叫我去幫佢。

「仲唔快Ｄ過去幫手。」ＪＵＤＹ話。

「咩我可以過去幫手拿咩？」我突登問佢：「一早就唔好係到阻住晒啦。」

「幫你咋我。」ＪＵＤＹ打左我一下然後話：「主動既殷勤永遠敵不過被動既幫手。」

「咩啊？」可能我真心蠢，唔明佢講咩。

「行啦，你唔駛明，我地繼續睇戲，你就過去做男主角啦。」金姐笑住一路食花生一路講。