[愛情無限loop] 就係咁，我做左女神一年既備胎: ２４２　解救能蟹

「做咩無啦啦又拎我同阿琪Ｄ野黎講？」我呢個問題無預過能蟹比答案我，我只係想佢知道我唔想佢講阿琪。

不過佢就似理得我繼續話：「阿牛，好話唔好聽，阿琪係鍾意你既，一早就同你一齊啦，而家仲要有個男人出現話係阿琪既未婚夫，講真，果個男人未又係阿琪隻兵，同你差唔多咋。」能蟹字字鏗鏘咁話。

我聽到能蟹咁講有少少嬲，但我唔係嬲能蟹，而係嬲自己，點解諗唔到反駁既說話，我只可以講既係，「唔好講我果Ｄ住先，講左你果Ｄ先。」

「我仲有咩可以講？」能蟹話。

「你女朋友呢？佢打左你一巴後好嬲咁走左，你唔駛諗方法哄佢啊？」我問，而能蟹呢一刻先好似如夢初醒話：「係ＷＯ！我都唔撚記得左我女朋友添！」



能蟹拎左自己既電話出黎，一連ＳＤ左好幾個ＭＳＧ，但係佢ＳＤ完之後，用一個好驚既表情望住我話：「得……得一個綠色剔……」

「你地仲有無用其他ＡＰＰＳ講野架？」我問。

「有啊！試埋先！」能蟹又係一連ＳＤ左好幾個，不過ＳＤ完之後都係用好驚既表情望住我，然後比左佢既手機我睇，我見到係「訊息未能成功傳送」，通常呢種情況有三個可能性，第一係自己而家無網絡，但係呢個一定唔係，第二係對方而家無網絡，呢個可能會係，第三係對方已經將你拉黑……

「死啦！佢ＢＬＯＣＫ撚左我啦一定係！」能蟹話，然後打電話比佢女朋友，但係一打過去就係一個女仔接電話，呢個女仔大家都識，就係果位話比我地聽「你所打既電話未能接通……」

我好少見到能蟹個樣會咁慌，「阿牛，快Ｄ借你部電話黎。」佢都未等我回答，佢就拎左個電話，然後打比佢女朋友能利。



而通左一陣，電話就接通，能蟹一開口就話：「妳可唔可以比機會我同妳解釋啊……件事唔係好似妳咁諗架……我有苦衷……妳唔好咁先啦，唔好喊啦……唔係啊，我緊係好愛妳啦，我為左妳改左好多架拿……我唔係用呢樣野黎大妳啊……咩野次次都咁講，次次都用我改左好多呢個借口ＷＯ……喂？喂？」

我望住佢傾完一輪後就比能利ＣＵＴ線，而佢又再打電話比佢。

「妳唔好咁先啦……不如聽日出黎傾傾啦，我會帶埋我朋友出黎傾啊……唔係，唔係果個女人啊，我帶出黎果個係男人黎架……咩啊，唔係啊，我唔係玩男人，唔係中途轉基啊，我剩係愛妳一個，好唔好……嗯，咁聽日我帶埋我朋友呢個時間黎搵妳啦……」能蟹講完呢句後，就無奈咁望住部電造，我諗，佢又比能利ＣＵＴ線。

「點啊？你女朋友無事掛？」我問。

「暫時黎講應該無事，起馬聽日肯見。」能蟹鬆一口氣答。



「但我聽到你話會帶個朋友去搵佢？你帶邊個去？」我問，而能蟹就好認真咁望住我話：「你話呢？」

唔係掛，能蟹要我聽日去同佢見佢女朋友？