[愛情無限loop] 就係咁，我做左女神一年既備胎: ７　觸電的一剎

究竟係咩野令到我而家心跳加快左既……

阿琪佢慢慢行近過黎。

塊面，好似有Ｄ熱，定係我今日著得太多衫呢？

佢行到我地面前，好好笑容咁望住阿珍：「唔好意思，遲左。」

我同阿塔我果位兄弟互相對視左一眼，大家兄弟，心照不宣。



「我唔緊要啊，但係呢個男仔就有說話聽囉。」阿珍望一望我地兩個。

大鑊，第一次咁近距離見到女神，點可以留下唔好既印象，我即刻保飛咁話：「邊有，唔識路係女仔既專利，等女仔係男仔既義務嘛。」估唔到呢Ｄ說話可以出自我把口。

阿塔聽到我咁講後，耐人尋味既笑容對住我笑，而阿珍則係用一個難以置信既表情望住我。

「真係唔好意思啊，我平時成日盪失路架，會唁會阻到你地時間啊。」阿琪好唔好意思咁話。

「緊係唔會啦。」我即刻答佢，而另外果兩條友已經係度忍笑。



「呢度係妳買果對跑鞋，妳睇下岩唔岩。」阿琪拎左盒野比阿珍，而阿珍打開個盒睇一睇後就講：「係呢對無錯啊。」

而佢地兩個就開始閒聊，阿塔就係我耳邊講：「你未望到人地實一實先得架，係人都知你對佢有意思啦。」

比佢咁講一講，即刻回魂，「有咩？」

「口水都差Ｄ流出黎拿。」佢笑住咁講。