[愛情無限loop] 就係咁，我做左女神一年既備胎: ２２　好心做壞事？

我係公園入面坐住等阿塔同阿珍跑完步，而同事，我就同阿琪講話阿塔同阿珍都想入ＧＲＯＵＰ，而佢就同ＧＲＯＵＰ　入面Ｄ　ＡＤＭＩＮ　講左，好快就加埋佢地兩個入去。

佢地兩個跑完返黎後，阿塔第一時間就問我：「點啊？ＡＤＤ左我入去拿？」

我聽到佢咁問後，點一點頭，但係唔知點解總覺得呢個ＧＲＯＵＰ會影響到佢地兩個既關係。

而阿珍都開左個ＧＲＯＵＰ黎睇：「嘩！有咁多人既！」

「係啊，都有成９０幾個人。」我答。



「咁你頭先話跑左，係未同阿琪跑呢？」阿珍用一個不懷好意既眼神問我。

「點解無啦啦妳又會咁問呢？」我問佢。

「女人既直角。」阿珍笑住咁話。

唔知點解，由頭先一開始，阿塔就不停咁玩緊部手機，佢平時都唔會咁，而當阿珍見到佢咁，就伸左個頭去望一望。

但今次阿塔既反應同平時唔同，平時佢會好大方咁比阿珍望部電話，但今次，佢無，佢避開仲話：「睇人電話咁衰既妳。」



「咩ＷＯ。」阿珍開始同佢打鬧。

唔知點解，見到阿塔咁既反應，我覺係因為阿琪，希望我呢個諗法係錯架啦。

跑完步，拉埋佢地兩個入ＧＲＯＵＰ，同佢地兩個食完野散水後，我就返家，而一返到家，我就收到阿琪既ＭＳＧ。

阿琪：你同阿塔熟唔熟架？
我：都ＯＫ，點解無啦啦咁問？
阿琪：無啊，見佢無啦啦ＳＤ左ＭＳＧ比我問野
我：下！？問咩？


阿琪：問我幾時去跑步ＷＯ

見到阿琪既ＭＳＧ，我心知不妙，但估唔到事後會發展到……而呢Ｄ已經係以後既事……