[愛情無限loop] 就係咁，我做左女神一年既備胎: １　備胎

你地聽過「備胎」呢個字眼未啊？佢既意思，就姐係一個人鐘意另一個人，但係另一個人對佢無咩意思，但又棄之可惜，所以就放住起身邊先，但又唔會有進一步既關係。

係拿，無錯拿，就等同香港成日講既「兵」，但係我總覺得「兵」點都好過「備胎」，個阿聽起上黎都勁Ｄ啦。

而以下，就係我既故事。

係每個人心目中，都會有佢地既女神或者男神，備胎們會為佢地勞心勞力、隨傳隨到。好彩既，就可以升級，但係有幾多人真係有呢個機會呢？

我呢一年入面，就為左一個女仔，勞心勞力、隨傳隨到，佢就係我心目中既女神。



但係我身邊每個朋友都不停同我講，話果個女仔根本唔係咩野女神，而係一個魔女。但係，所有備胎眼睛都係盲左咁，耳就只會聽到一個人把聲，每次朋友咁講，我都會話：「就算係魔女，都係一個值得我為佢蹈火海，付出全部的人。」

就係咁，我做左女神一年既備胎……