[愛情無限loop] 就係咁，我做左女神一年既備胎: ６８　向住某方向好大力擰落去

我而家個腦仲係好混亂下，我望住眼前不停噴緊我既花灑，諗緊點解呂晨可以咁大力？點解呂晨要搖過晒Ｄ汽水噴到我濕晒？點解呂晨會帶左我黎呢一度……

唔通……佢想……

無可能既！我係唔可以對唔住阿琪架！就算我未同阿琪係埋一齊！我都唔可以做Ｄ對唔住佢既事架！

我諗到呢度就即刻衝左出浴室，跑去門度準備打開就走出去……但係，點解開唔到架！？

「牛牛～」呂晨既聲音係我身後傳出，「唔駛開拿～我好傻豬咁反鎖左我地兩個啊～」真係！？點解聽妳講野既聲線，好似係特登咁做既。



我慢慢傳身，見到呂晨既裝束就想即刻大叫，但佢就即刻走左過黎掩住我既口話：「你唔好大叫啊～你一大叫～佢地就聽到～佢地聽到就會過黎～過黎見到我著到咁同你一齊反鎖左係呢間房入面～到時好多人知架～阿琪都知架～」

呂晨！妳好野！！！

佢而家著住既，係一條白色好透既襯衫，仲要唔扣扭！褲就……仆街！佢都無著褲！裙更加無啦！不過好彩佢仲有著內衣……

「牛牛～鐘唔鐘意我著純白色既內衣啊～係未好純潔呢～」呂晨妳係而家呢個情境問我，我真係唔多想答妳。

「牛牛～咩你唔鐘意啊～咁我除左佢囉～」仆街！妳係未一早諗好晒架，「好睇好睇！妳著住佢，唔好除。」



呂晨聽到我咁講後，挨住左我，「係就好拿～人地幾驚你唔鐘意～」

究竟咩撚野事啊，燒燒下野食點解會搞到咁架。我內心好慌張因為我都唔知下一秒會發生Ｄ咩野事，可能你地會好羨慕我啦，有個咁靚既女仔做到咁，但係我係被迫架……如果你地想既話我同你地交換啦。

就係我仲慌張既時候，我不停搵下呢間房入面有咩可以幫到我甩身先。

有……結他……咩呂晨佢咁識玩音樂架……

有……個櫃咁撚多模型既？



有……咁奇怪既，呢間房係未呂晨架？點解一個女仔既房無梳妝檯？

有……咦！？點解我見到有張呂晨同一個男仔既合照既！？而且！相入面既佢地仲要好親暱……唔止一張啊！仲有好多張啊！呢張仲要ＫＩＳＳ埋架！！！

呢個男仔，唔通係呂晨條仔？

「牛牛～」呂晨突然間用好嫵媚既眼神望住我話：「你沖完涼成身濕晒，等我幫你寬衣。」佢眼神突然認真，成個人騎住左我。

「除衫～」佢望住我話。

「唔得啊！」我拒絕：「我唔可以做出對阿琪唔住既事架！」

呂晨笑左笑問我：「你同阿琪，一齊拿咩？」

我比佢咁問呆左呆話：「……咁又未。」



「除衫～」佢又話，而今次仲開始好主動幫我除。

「唔得啊！」我又拒絕：「妳都唔可以對唔住妳男朋友架！」

佢聽到我咁話成個人怔左怔問我：「你點知……」我指一指頭先睇到果堆相，而佢都望一望，靜左幾秒，唔通，佢見到佢男朋友張相後，終於覺得做錯野？

但好可惜，唔係。

「除衫！」佢今次係用命令既語氣同我講，而且佢眼神，好特別。

「唔得啊！」我今次點都要試多次反抗，我用盡晒我所有既力推開左佢，今次又好好彩咁推開到ＷＯ，跑到個門度，大獲！反鎖左架ＷＯ度門。

「反鎖左你仲走得去邊！」佢大叫左一聲。



係我情急之際，我諗返起係我讀書果陣時，有個朋友教我只要係向某一方向好大力擰把鎖，就可以扭壞佢再打開度門，而家唯有一試，希望呢個朋友無呃我啦。

「啊！！！！！！」唔好問我點解要大叫，我都唔知點解，可能人類受到驚嚇下，都會大叫掛。