[愛情無限loop] 就係咁，我做左女神一年既備胎: １５７　洗頭

點解呢？究竟發生左Ｄ咩野事？點解我會係一間Ｍ記既男廁到，而且我面前既人，係一個不停用凍水洗緊頭既阿富。

「阿富……」我想行過去問佢咩事，但唔知點解行唔到直線，而且個頭仲有少少痛。

我好辛苦先行到阿富既旁邊，一行到過去，我就問佢同先未問完既問題：「……你無事嘛？」

阿富只係不停講出含糊不清既說話，中間會夾住我無事呢人個字，但係睇佢而家咁既款，點會似係無事ＷＯ。

我拍一拍佢既膀頭，然後話：「你唔好咁啦，大家都係男人，有咩未講我知囉，係未關於阿琪啊？」



我既問題，換黎既係阿富不停話：「我無事，你唔好理我啦……」講講下，佢仲喊左出黎。

「你唔好咁啦，男人老狗做咩喊啊……」飲醉左既我亂咁講左Ｄ以為可以幫到阿富既說話：「你係未想追阿琪啊？你想既話，我係可以幫你架。」

嘩！我講完都覺得自己好偉大！不過可能阿富佢都飲到醉醉地，好似唔係點聽到我講野，佢都係繼續叫我唔好理佢，然後用凍水不停洗頭。

而係呢個時候，有人敲門，「你地點啊？」係阿琪，我行左去開門，然後阿琪望到阿富不停洗頭，就話：「阿富，你究竟係度做咩事，仲要比幾多野我煩？」

阿富無理到阿琪，阿琪想衝入黎阻止佢，但係不我阻住左，「等我睇住仍，妳返出去先。」阿琪望一望我，睇黎佢有少少嬲，但呢間呢一刻唔可理得佢咁多，因為阿富既煩惱來源係阿琪，唔可以比而家既阿富同阿琪單獨相處。



我唔係怕阿富對阿琪做Ｄ不當既行為，反而係怕阿琪講左Ｄ令阿富好傷心既事。

阿琪出返去後，我繼續望住人停用凍水洗頭既阿富，問佢：「洗左咁耐，清醒返Ｄ未？」

阿富停左一停，但都都無答過我，繼續洗頭，不過，我見到阿富好似喊緊，但佢無喊出聲，眼淚好分明咁係佢既眼角流落黎，我諗佢都忍左好耐。

「你真係咁鐘意阿琪？」我問佢，但佢遲疑左一下後答我：「我……唔知。」

呢個係一個可笑既答案，我望住阿富，一個每個人都話佢係好男人既男人，竟然淪落到如此既地步，只係為左一個人就搞成咁。



阿富洗多左一陣，我就捉返佢出去，因為佢再喧洗落去都唔係辦法，而出到去，就見到能蟹個死仔係都要訓係阿琪既大脾上面，而阿琪就不停咁推開佢，我見到能蟹咁，就一下打落佢個頭到問佢：「醒未？」

能蟹好似比我一下拍醒左咁望住我話：「……醒。」

「走拿我地，送佢地兩個返去。」我講完後，就截左部的士一齊返去，成程車，我地幾個都無講過野，能蟹佢先落車，因為佢比較近，然後就到我、阿琪同阿富，一落車，我就同阿琪話：「我送阿富上去得拿，妳自己返上去有無問題？」

「無……」睇黎阿琪仲有少少嬲，不過佢都有同我講：「咁你返到去話我知啊。」

「嗯。」我答左佢後，佢又問：「你係未真係無事架？」

「無野啊，我似醉左咩？」我問返佢，而阿琪就話：「都唔知你真醉定假醉。」

下？點解佢會無啦啦咁講既。

「無醉啊，妳返到話我知啦。」我用晒我Ｄ力抬住阿富，而阿琪就叮囑我小心Ｄ後就返屋企。



幾經辛苦放左阿富返去後，我都返到屋企，沖左涼，出到黎就收到阿琪既ＭＳＧ。

阿琪：你返到未啊
我：返到
我：剛沖完涼
我：妳早Ｄ訓啦
阿琪：嗯
阿琪：準備訓拿
阿琪：你有無飲醉架
我：仲咩咁問
阿琪：唔知你真醉定假醉
我：咩啊（喊笑）
阿琪：你記唔記得頭先你做左Ｄ咩？
我：同你地飲野囉


阿琪：姐係唔記得啦
阿琪：我眼訓拿
阿琪：早抖

唔知佢做Ｄ咩……

我企左係鏡前吹頭，諗返頭先阿富不停洗頭果一幕，又諗起能蟹同金姐講過既說話，一個普通既女人，點會可以令到身邊既人為佢瘋狂，點都有Ｄ野促使，以及一隻手係打唔響。

我再望一望鏡入面既自己，我以後會唔會變到好似阿富咁呢？如果真係有一念天堂，一念地獄的話，同我感情咁好既阿琪一定係天使，而整到阿富咁樣既阿琪，又係唔係一個付魔女呢？