[愛情無限loop] 就係咁，我做左女神一年既備胎: ２７　紙係包唔住火

係電話螢幕上見到阿珍既短訊，個幾隻字既衝擊……

阿珍：阿牛，阿塔呢排係未有Ｄ唔妥？
我不停係到打字，然後有刪返，我都唔知要點同阿珍講呢一排阿塔Ｄ野，直到……

阿珍：你照直講就我，我見你不停咁輸入中
阿珍：佢係未，追緊阿琪？

連阿珍都察覺到，我都唯有講佢聽



阿牛：係

就咁一個字，但呢個字，我係用左好大勇氣先ＳＥＮＤ到出去，然後，阿珍隔左好耐先回我。

阿珍：點解？點解佢會追阿琪？點解ＧＲＯＵＰ入面個個男仔都要圍住阿琪轉咁

呢句說話，我唔知點答佢。

阿珍：你答我，佢係未真係咁吸引Ｄ男仔，我同阿琪之間差Ｄ咩野，點解阿塔見佢一眼，就好似比佢勾左個魂咁，而我同阿塔一齊好幾年，兩個都只係維持朋友階段。



佢呢個問錯我根本唔識答佢，而阿珍應該又見到我不停輸入中但又無野ＳＥＮＤ　比佢。

阿珍：我知你都鐘意阿琪，但係要小心Ｄ佢，因為一個咁吸引人既女仔但係無拍拖，點都有Ｄ野
我；會有Ｄ咩野？

我問佢，但佢已經無再覆我。我成個腦好亂，因為好想為呢一對好朋友做Ｄ野，但係果種無力感不停咁擴張，最重要既係，關阿琪事，我既女神，唔通阿珍講既野係岩，阿琪呢種女仔點都有Ｄ野？我唔敢諗，而就係呢個時候，我又收到阿塔既ＭＳＧ。

阿塔：你同阿琪講左Ｄ咩？
我：唔明你講咩？
阿塔：阿琪佢而家唔覆我ＭＳＧ


我：我咩都無講過
阿塔：你無？你都追緊阿琪，而且佢又成日同你ＭＳＧ，係未你叫佢唔好覆我
我：你未癲啦
我：仲有，唔該你真係想追阿琪，先搞好你同阿珍Ｄ野，而且你其實不停ＳＥＮＤ野比阿琪，會令佢覺得好煩
阿塔，你都有ＳＥＮＤ野比佢，咁你自己未又煩緊佢

究竟係咩事，令到事情發生到呢個地步……