[愛情無限loop] 就係咁，我做左女神一年既備胎: １１　哪一天我們會飛

雖然我而家係同阿珍同阿塔佢地行緊路，但係個心就已經飛左去阿琪度，一陣如果同佢返屋企既話要講Ｄ咩好呢？好唔好話我一早就見過佢？好唔好話我其實每日跑步果陣都會撞到佢？一大埋既問題係我腦入面。

「喂……我話我要去廁所啊，叫你係度等啊。」阿塔既聲音叫返醒我。

我回一回神，發現阿珍佢唔見左，就問：「阿珍呢？」

「佢一早入左廁所啦，我都要去啊，你唔去就係度等我地啦。」佢話。

「去啊我。」我答。



「你去唔去到架你。」阿塔用一個好淫邪既笑容望住我。

「你去死啦不如。」我推住佢行。

去完廁所，係洗手盤面前，阿塔話：「阿琪幾ＯＫ　ＷＯ。」

我望一望佢，然後話：「咁你係唔係想追啊？」

佢聽到我咁講後，笑左笑講：「痴線。」



唔知點解，我覺得佢呢一句痴線，係一句默認，「你唔係有阿珍拿咩？無謂搞咁多野破壞你同佢之間既感情ＷＯ。」

佢聽完我講呢句後，又係講左句：「痴線。」但今次呢個痴線，係帶住耐人尋味。

行返出去，原來阿珍一早去完廁所，「你地兩個男人去廁所咁耐架，我呢個女人都去完你地就未得。」

「唔好意思，佢今日去廁所有Ｄ問題。」阿塔指住我話。

「哦……明白既明白既。」阿珍露出一副知情既表情。



「未玩啦你地兩個，就開場拿，入場啦。」我拎左袋住既戲飛，係「=14px哪一天我們會飛」呢張戲飛上面，印住巴日期，我諗我呢一世都會記得，因為，係我同佢相識既日期。