[愛情無限loop] 就係咁，我做左女神一年既備胎: １５８　宿醉早餐

我係未，愛緊夢……點解阿琪訓左係我旁邊既……

佢轉過身望住我，向我微笑左一下，而我見到佢微笑，當然都回以一個微笑，但點知，佢打左我一下。

呢一下唔痛既，我諗，我人係發緊夢。

「你尋晚對我做過Ｄ咩野黎？」佢問我，但我唔知點解佢咁問，所以無答佢。

然後，佢又話：「都唔知你係真醉定假醉。」點解，呢句話佢要講幾次。



鬧鐘聲將我叫醒，我坐直左個人，頭既疼痛，我諗，我宿醉。

頭重重之下，果句話不停咁係我腦入面徘徊，點解阿琪講左果句好幾次呢？我拎起左電話，ＳＤ左個ＭＳＧ問能蟹，但佢無咩反應，我諗，佢尋晚飲大左仲訓緊。

起左身落左，刷左個牙洗過面就出人食早餐，而食早餐果陣，阿琪ＳＤ左個ＭＳＧ比我。

阿琪：起左身未啊？
我：起左拿
我：而家食左早餐
阿琪：咁好有早餐食


阿琪：係邊度食啊
我：我地成日去果間茶餐廳
阿琪：我又去
阿琪：你等我
我：好
我：係拿
我：其實我尋晚有無做過Ｄ咩整到妳好唔開心啊？
阿琪：你做過Ｄ咩，咩你唔知咩？

見到阿琪既反問，我陷入左思考狀態，發生左Ｄ咩事呢？我尋晚做過Ｄ咩呢？唔通係會令阿琪好唔開心既事？就快同佢慶祝生日拿，千奇唔好發生意外先好。



但係，做左Ｄ咩呢？我無記錯我真係有一段時間斷左片，醒少少就已經係Ｍ記，咁係Ｍ記前既記憶係Ｄ咩呢？

我好努力咁諗，只記我，阿琪對眼，佢既髮香，佢耳仔，仲有唇上面既微溫……咦！？點解咁似……

「我到拿。」「嘩！！！」我比突然出現既阿琪嚇左一跳。

「駛唔駛嚇成咁啊，係未做左虧心事。」比阿琪講中左添，不過可能已經做左，「唔……唔係啊……我只係諗緊尋晚發生過Ｄ咩野……事……」阿琪用一副不軌既眼視望住我話：「你仲好講。」

「下……」阿琪咁講令到我仲驚，「不如妳話我知，我尋晚做左Ｄ咩啦。」

「唔理你啊，叫野食先。」阿琪真係無理到我，叫左個人過黎寫野。

我不停諗不停諗，然後電話一響，能蟹覆我ＭＳＧ拿！！！希望佢會話比我聽我尋晚做過Ｄ咩啦，我一打開電話一睇，個心空晒咁。



能蟹：你尋晚未錫左阿琪一啖
能蟹：然後不停咁攬住佢囉
能蟹：阿富坐左係你地兩個面前
能蟹：嬲都臉都紅晒
能蟹：打左好幾次牆同玻璃窗
能蟹：仲狂飲酒
能蟹：然後我就唔記得拿
能蟹：因為我都醉左

啊！！！！！！！！！！！！

原來尋晚我真係錫左阿琪一啖啊，仲要攬住佢，點解！？點解會發生Ｄ咁既事！！！

最慘既係，我飲醉左都ＦＥＥＬ唔係幾到有錫過阿琪啊！！！更何況係攬！！！！！



不過現時最緊要既，係同我面前既阿琪講聲，「尋晚對唔住啊，我錫左妳一啖。」

阿琪聽到我咁講後，就話：「算啦，無所謂啦。」

下？無所謂，點解係無所謂啊，妳咁答唔知點解我仲失落。

「不過你尋日既所作所為，整到阿富發脾氣，我就有機會同阿富講我同佢唔夾，叫佢唔好再諗同我一齊既野。」阿琪露出左一個勝利既笑容。

「下？咁都得？」我問，而阿琪答：「緊係啦，你知唔知尋晚阿富佢見到你既行為，佢不停咁飲酒，然後去Ｍ記果段路，捉住左我黎鬧。」

「佢鬧妳？」我聽到佢咁話都幾驚訝，因為我未見過阿富鬧人。

「係啊，佢問我有無當佢係男朋友？有無放過佢呢個男朋友在眼內？然後我就直接話無，而且答佢都唔係我男朋友。」

聽到阿琪咁講，唔怪得尋晚阿富不停咁洗頭同喊啦。



「所以呢，尋晚都可以話多謝你咁做，但係下次再係咁我打你架。」阿琪話，而我一副知錯既表情答：「知道……」

但係，點解阿琪覺我我錫佢係無所謂，其實如果佢覺得有所謂，我會開心Ｄ。