[愛情無限loop] 就係咁，我做左女神一年既備胎: ８１　呂晨，消失了

解鎖，打開個ＡＰＰＳ，係個ＬＩＳＴ度搵呂晨個名，入左倨ＣＨＡＴ，然後打左一句問佢。

我：妳無事嘛？

原本仲想打多幾句既我，比突如其來既電話打斷，我望一望個來電，係呂晨打黎。

「邊個？」阿琪問。

「呂晨打黎。」我同佢講，然後就接聽左呂晨既電話，「妳無野嘛？」我問，而佢竟然笑得好開心咁答我：「我都估到如果我ＱＵＩＴ　ＧＲＯＵＰ，你一定會問我咩野事。」



我無奈左一下答佢：「係拿叻拿。」坐係我對面既阿琪同眼神問我佢做咩事，我就用返眼神同佢講唔知道。

「阿牛，多謝你今日為我做既野，我一定會記住。」呂晨用好認真既語氣話。

「傻啦，我都無做Ｄ咩，但妳點解要ＱＵＩＴ　ＧＲＯＵＰ啊，係未怕我同ＪＵＤＹ會同其他人講？如果係的話我同ＪＵＤＹ保密未得囉。」無錯，上面果返說話係我講既，我講話保密，但我已經同阿琪講左。

呂晨聽到我咁講後大笑左一輪，「唔會怕啦，我知道你同ＪＵＤＹ一定唔會四圍同人講既，你地唔係Ｄ咁既人，最多你地未話比阿琪聽姐，更有可能，你而家已經陪緊阿琪添。」嘩！呂晨妳Ｄ第六感有無咁準啊。

佢一提到阿琪既名，我就定一定望住阿琪，而阿琪見到我定晒望住佢，就問我咩事，係用口講。



「睇黎我估中ＷＯ，我聽到阿琪把聲。」呂晨好得意咁話。

「係啊，哈……」我傻笑住回答。

「阿牛，我ＱＵＩＴ　ＧＲＯＵＰ唔係因為任何人，而係因為自己，我以前因為想對果個賤人報復，所以先四圍收兵，甚至做Ｄ更越軌既行為，但而家諗返起，其實我都唔係呢一類人，為左果個人而令到無左自我，真係好蠢，而且仲要無左咁多年既自我。你知唔知當你將果半桶嘔吐物交比我果陣，我個腦真係呆晒架，果陣我諗，我係未真係要咁做，我已經做左咁多年既野，唔通要為左一個我食唔到既男人而違棄我咁多年既諗法？但當我聽到廁所入面果把女聲同加上果條賤人既發嬲聲，我就確定其實如果呢一刻我唔放棄呢個男人，我黎緊係未仲要將我幾十年既生命都花係向佢報復既事度，我愈諗就愈覺得唔抵，所以佢一開道門，我就二話不說將果半桶嘔吐物淋佢。」呂晨既語氣好肯定咁話：「所以，真係要多謝你，如果唔係你既行動，我永遠都活係報復既輪迴，永遠浪費自己既時間，放棄唔到呢一樣錯誤既行為。」

聽完呂晨既說話後，我好開心，因為佢可以做返自己，「但係，妳想做返自己，都唔駛ＱＵＩＴ　ＧＲＯＵＰ架。」

「我想，一切重頭黎過，唔想有任何既包袱，想一切都有一個新既開始。」呂晨話。



我諗，呂晨既決心都好大，「妳呢個做法，係未叫做背水一戰。」我講笑咁用一個好唔恰當既成語同佢講。

「阿牛，我呢Ｄ叫意志堅定，你都要學下。」佢好似故意倜儻我話：「你都要學下。」仲要重複多次。

「又關我事？」我問。

「想追阿琪，就要意志堅定，我睇得出，你已經預左漫長既戰爭。」呂晨，原來睇野都幾通透。

聽到佢咁講，我望一望我眼前既阿琪，而阿琪又見到我咁望住佢，又問我咩事。

「我會啊。」我好認真咁望住阿琪，回答呂晨既問題。

「我知道啊，阿牛，你機會好大架，我睇得出阿琪對你有好感，只不過，唔知係未佢有Ｄ咩事，所以唔想拍拖住。」呂晨又話。

「妳又知？」點解呂晨既野同ＪＵＤＹ話我知既野咁似既。



「呢Ｄ野，係女人既直覺。」呂晨笑左笑，然後，我係電話度聽到佢深呼吸左一啖既聲音，「阿牛，頭先你講表露無遺既我，先係真正既女神，係未認真架？」

我沉默左幾秒後回答：「絕對認真。」認真既答案，當然要等幾秒先答啦。

「多謝你，阿牛。」呂晨講完問句之後，就收左線。

「點啊？」阿琪問。

「佢無事。」我微笑話：「呂晨而家真係變成一個真真正正既女神。」