[愛情無限loop] 就係咁，我做左女神一年既備胎: ２８２　癲狗

今日既事，就解決左果個人後先再講？阿琪意思今日既事係指ｄ咩呢？整到我好好奇添。

而藍臣聽到阿琪既說話後，笑左笑話：「放心，交比我。」然後就行到馬高面前話：「你咁想鬥家底厚既話，無問題。」

本身好有氣焰既馬高，好似突然面對住高牆咁望住藍臣，「你係……」馬高疑惑，然後藍臣係佢耳邊講左ｄ野後，馬高露出左一個好震驚既樣。

「而家啤酒既價位咁高，兩位唔知邊個想再出價呢？」個主持問緊馬高同藍臣，而藍臣就好從容不迫咁話：「幫我要多五球。」

「係！五球！！！呢個先生再出多五球！」起哄，唔單只來自個主持，全場既所有人都起哄。



而唯一無起哄既人，就係馬高，睇得出佢好嬲，但係又無咩野可以做到咁樣，藍臣係呢一刻又係佢面前講左ｄ野，不過咁遠我聽唔到佢地既對話，而且呢一刻，我只留意緊係我身邊既阿琪，佢好似見慣呢ｄ場面咁，處之泰然咁。

藍臣同馬高對峙左一陣後，馬高只係笑一笑，點一點頭行到藍臣身邊講左D野後，就走左返去自己班人度，而藍臣就係呢個時候話：「我出多一千個，全場我請。」

起哄聲依然繼續，就係呢個奇蹟大逆轉下，我地贏左馬高。

藍臣返到黎之後，行到我同阿琪既面前話，「搞好拿。」而阿琪只係隨便咁點一點頭，我望一望藍臣，佢好似已經習慣左阿琪呢一種冷漠一樣。

「其實……點解？」我問，雖然我無問晒我想問既野，不過藍臣都估到我所問既問題，「呢個馬高係就係有ｄ錢同有ｄ勢力，不過對於我黎講，佢只不過係一個跟我阿爸做野既狗。」



對於佢既答案，雖然我已經有心理準備，不過仍然有少少震憾。

「勁ｗｏ！！！你咁勁架原來！你條ｏｎ９點解唔早ｄ帶佢黎啊！」講呢句說話既係能利，無錯，藍臣就係好勁，雖然佢幫我地贏左，但唔知點解我無開心既感覺。

而藍臣聽到能利呢句說話後，笑左笑話：「但可能我只可以幫到頭先果一場，因為頭先佢同我講，比一次面我，下一場就唔會比面，就算之後同我阿爸無得合作，都唔會比我地贏下一場。」

我地聽到之後，都呆晒望住藍臣，而藍臣又話：「無錯，佢係一條狗，但係一條癲狗。」