[愛情無限loop] 就係咁，我做左女神一年既備胎: ３０　阿塔的謊言

阿珍既消失，換來既係ＧＲＯＵＰ入面所有人既大搜尋，而當妳，大家都係ＧＲＯＵＰ入面叫阿塔搵阿珍睇下佢發生咩事，因為ＧＲＯＵＰ入面所有人，除左覺得阿塔係追阿琪先跑步外，阿珍係為左睇實阿塔先入ＧＲＯＵＰ。

去到咁上下，阿塔都火火地話。
阿塔：點解一個二個要叫我去搵佢，而唔係你地去叫
會員Ｎ：你同佢最熟ＷＯ，你唔去仲有邊個去
會員３：未係，日日都小倆口一齊
會員７：最近小左啦，都唔知係未吵交
阿塔：你地好拿ＷＯ，我同阿珍係好朋友，ＪＵＳＴ　ＦＲＩＥＮＤ　ＯＫ
會員７：講英文好撚勁啊，你條友未又係入黎搵左追女仔，邊度係比心機跑步
會員２：好拿，呢Ｄ野唔好係度講，講返跑步Ｄ野啦


過左陣，阿塔都ＱＵＩＴ　左ＧＲＯＵＰ。
我見到本身好開心答我話想入ＧＲＯＵＰ　既兩位朋友，而間係同一日先後咁ＱＵＩＴ　左ＧＲＯＵＰ，究竟，係未我害左佢地兩個……
我而家ＤＯＷＮ到極點，想搵阿琪傾下。
我：阿塔都ＱＵＩＴ　埋……
阿琪：我知啊１
我：唉……
阿琪：你無野嘛
阿琪：駛唔駛出黎食下野，傾下？

阿琪約我，我緊係好開心啦，但係呢個環境下約我，唔係我最想囉。不過，最後我都有赴約，我地兩個係一間茶餐廳入面，叫左兩個常餐同一份炸薯條，然後我就問阿琪：「阿塔話，你同佢走果陣時，妳全程俟住佢企……」



「唔係掛，果陣架車好唔穩，我又幾下扶住佢咋ＷＯ。」阿琪話：「邊個會想俟住佢企。」

「我諗阿塔同阿珍講左呢件事，所以阿珍就發脾氣ＱＵＩＴ左ＧＲＯＵＰ……」我難以啟齒咁講：「妳……可唔可以……同阿珍講啊？」

阿琪聽到我既說話後，搖一搖頭話：「而家最大問題係阿塔到，而唔係我度，而且阿珍而家當我搶左阿塔，我講咩野都無用。」

「咁……佢地呢次又真係幾細佬仔脾他既。」我嘆左口氣，因為我都覺得今次最大問題果個係阿塔。

「所以，我地兩個都幫唔到手，要幫手既，就唯有比佢地兩個自己搞店佢。」阿琪講完，嘆左口氣又話：「其實，我已經唔多理阿塔，但點知都會搞到……」欲言又止既阿琪又話：「我唔想果Ｄ事又再發生。」



「果Ｄ事？」我問。