[愛情無限loop] 就係咁，我做左女神一年既備胎: ２８０　我出十萬

就係我地煩緊既時候，馬高返到，佢成個春風得意既樣行到我地既面前，當然仲係攬住頭先佢帶走既兩個女人啦，當中其中一個係阿銀。

「點啊？我已經比左好多時間你地休息拿，可以進行第二場比賽未啊？」馬高問。

而我地都向佢點一點頭，「第二場比賽係ｄ咩，快ｄ講。」呂晨話。

馬高見到咁有勇氣既呂晨，拍左幾下手然後話：「我知你想快ｄ同我開心，不過唔好咁心急，第二場遊戲好快到。」佢講完後，就示意左ｄ人推左好多車啤酒出黎。

「真係又鬥飲！？」拾拾衝口而出一問，而馬高就話：「妳真係無知得好緊要。」馬高講完呢一句後，就行到果堆啤酒附近，「一開始，我就講我馬高出黎玩有三樣野，飲得、疊水、好玩，飲得就頭先玩過，我又點會再玩呢。」



「咁點解咁多啤酒啊？」好耐無講野既能利終於講野拿。

「第二場遊戲，我要同你地玩疊水。」馬高笑住話：「呢度每一支酒，都代表同一個銀碼，意思就係你有幾多錢，就可以擁有幾多支酒……其實同現實世界一樣，不過今次既遊戲，酒既價值會因時間同埋比率而升值，而遊戲主要係將你所買既酒，送比現在既每一位女性。」

馬高講到呢度，所有女性都歡呼。

「亦姐係話，你地要買果段時間價值既酒，去請全場既女性飲，得返黎空樽既數量，就係今次遊戲勝負所在。」馬高講完後，就望住我地問：「明唔明？」

而能利就話：「明就唔係幾明架拿，不過如果你出術將我地既樽話係你既話都得架姐。」佢咁講，可能係因為頭先果場比真馬高已經出過一次術。



馬高聽到能利呢一句後，有少少驚訝地笑左笑話：「你地又蠢唔晒架ｗｏ。」馬高話，「好，咁我而家就加多樣，當買左酒既果一邊，都要係支酒貼上指定既貼紙，而且只可以果一邊ｄ人收返，唔可以影響到另一邊既人既數量，咁樣得未？」

「但係有呢氣ｒｕｌｅ，你都可以出術架。」能利話。

「如果我出術，就即刻當我輸。」馬高話，我諗能利講咁多，都係因為馬高講呢一句，「有你呢一句我就放心，頭先一直係度諗你點樣先會講呢句野，而家講左，你就無出術既機會。」

原來頭先能利咁靜，係諗緊計要馬高講呢一句說話。

但係，就算有呢一句說話，我地有邊會有咁多錢買酒呢？我地幾個即刻圍埋一齊傾，「你估要同幾多錢呢？」七三廿一問。



「我唔知啊，不過應該係愈多愈好啦。」拾拾答。

「但你地預左可以出幾多錢？」呂晨問，而所有人都好似靜晒，不過金姐就唔同，佢即刻話：「如果係為左阿銀，我成副身家用晒都得。」

見到金姐咁不故一切，突然間有一種無形既壓力落左我地身上，係，無錯，我地頭先就話大家都係朋友一齊上，但係我地無諗過要用物質上既野去幫呢件事。

「阿金，仲有我果副身家。」再加上ＳＵＮＮＹ呢一句，我地既壓力仲大，而金姐好似見到我地面有難色，所以話：「你地唔駛咁樣，我明白如果叫你地出錢係有難處，所以就算你地唔出，我都唔會介意。」

ＳＵＮＮＹ係呢個時候又補充話：「無錯，而且我都都未知而家一支酒既價值，可能好平我同金姐都應接到呢……」「我先出十萬！！！」ＳＵＮＮＹ剛剛講完，馬高就扔左兩舊錢出黎。

我無聽錯掛，十……十萬！？

「馬高先出十萬！真係豪爽！所以而家一支啤酒既價值係一支五百！！！」咩話！？一支五百？仲貴過平時買果ｄ　ｗｏ。

馬高佢又好得戚望住我地，好似同我地講緊，「同我鬥疊水，慳ｄ啦。」