[愛情無限loop] 就係咁，我做左女神一年既備胎: １３２　嬉水日

送左件泳衣比阿琪之後，我地就去睇其他野，泳鏡點都係要去運動用品店買，所以我地就轉移目標去運動用品店。

一路上，阿琪都好開心咁拎住件泳衣，睇黎佢真係好鐘意，而對話期間，阿琪都有問我仲要買Ｄ咩。

「除左泳鏡，仲駛唔駛買浮板啊？」阿琪問。

「可以唔駛既，我屋企有一塊，聽日我拎去比妳用就我。」我徊。

「咁就好。」阿琪笑得好開心。



「泳鏡就買左妳比我，因為要塗Ｄ防起霧劑上去。」我話，而阿琪一副而家先知既表情同我講：「原來要咁架，你唔講我真係唔知。」

就當我地兩個傾計傾到忘晒形之際，阿琪既電話響起，佢接聽後，見到佢一路聽一路面帶難色咁，到佢收線果陣，我問佢：「咩事啊？」

阿琪愁眉苦面咁話：「屋企Ｄ事……」

「如果緊要事既話，不如妳去處理左先啦。」我話，而阿琪就唔好意思同我講：「但係難得同你行街。」

「傻豬，我地第時可以再行嘛，一陣我幫妳買泳鏡啦，妳快Ｄ去處理屋企事先，定係，妳想我幫手一齊處理？」我問佢。



「唔駛啦，因為真係好煩，我唔想煩到你啊。」阿琪話，而我就答佢：「其實我唔會覺煩架，不過如果妳唔想既話我都唔夾硬黎，但係妳一有事要同我講架。」

「好。」阿琪面上終於有返Ｄ笑容。

望住阿琪既遠去，見到佢既背影，係一副急忙，唔知阿琪屋企發生Ｄ咩事呢？送走左阿琪，我繼續幫佢買其他游水用既野，而買既途中，我收到阿琪既ＭＳＧ。

阿琪：我真係好鐘意件泳衣啊（開心）
我：你鐘意就得架拿
阿琪：（開心）



買整晒Ｄ野，返到屋企，好難得今日老牛大人同阿媽都唔係度，聽佢地之前講，好似話係街坊旅行，去兩日一夜。

所以今晚果餐唯有自己搞店。

好簡單食左少少野，臨訓前我望一望電話，阿琪無搵過我，唔知佢點呢？而就係呢個時候，阿琪ＳＤ左個ＭＳＧ比我。

阿琪：終於忙完
我：咁就快Ｄ休息拿
阿琪：知道（開心）
阿琪：好期待聽日著果件泳衣啊
我：（喊笑）
阿琪：你期唔期待睇我著泳衣係點樣啊？

見到阿琪咁問，我真係一時間唔知點答好，不過我決定老實答佢。



我：好期待啊
阿琪：（喊笑）
阿琪：我訓拿
阿琪：好累
阿琪：聽日見啦（開心）
阿琪：ＧＤ　ＮＩＧＨＴ

頭先本來仲擔心緊阿琪擔心到訓唔著，但而家我係興奮到訓唔著添……點算呢？真係好興奮ＷＯ，訓左係張床好耐都訓唔著，直到第二朝起身，已經係比電話嘈醒既事……

我半醒起左身，望一望電話既來電，係阿琪……阿琪！！！！！？我望一望個鐘！大鑊！遲到！！！

「你係邊啊？」阿琪用好溫柔既語氣同我講，但我隱約ＦＥＥＬ到有少少殺機。

「……起緊身，好快到。」我答佢。



「浮板呢？」阿琪問。

「有帶。」我答。

「泳鏡呢？」阿琪又問。

「……有帶。」殺氣好似愈來愈大。

「快！Ｄ！起！身！衝！過！黎！」阿琪逐隻字講左出黎，我成個人醒晒用極短既時間執晒Ｄ野出門，好彩今次游水既地方離我屋企好近，唔係一定仲慘。

而我係忙亂既時間睇一睇部電話，見到ＪＵＤＹ　ＳＤ左個ＭＳＧ比我。

ＪＵＤＹ：多撚左好多狗公黎左啊
ＪＵＤＹ：你快撚Ｄ黎保護阿琪啦
ＪＵＤＹ：阿富都黎左啊



下！？阿富都黎左？但唔見加自己個名上個ＬＩＳＴ度既……