[愛情無限loop] 就係咁，我做左女神一年既備胎: ２７３　玩前老牛大人的話

返到屋企，「返黎拿死仔。」一切同平時一樣，「係啊，返黎拿。」不過心情有少少唔同，總係覺得，好珍惜今次既短聚。

「今晚你阿娘煮左好多好西啊，我就買左支酒，兩仔爺飲兩杯啦。」老牛大人好開心咁話。

「好啊。」我答左佢之後，就返左入房。

其實今晚發生既事，應該唔會好危險，但心入面總係覺得，如果唔小心既話，點都會有意外，我愈諗，就愈唔知點好，想搵過人問，但又無。

突然，我電話響幾下，我睇一睇，係一個ＧＲＯＵＰ　ＭＳＧ，開左後見到，原來佢地開左個ＧＲＯＵＰ係關於今日既行動，但唔知點解，我開左個名單睇，呢個ＧＲＯＵＰ入面，有阿琪係度。



我而家無咩心情睇過ＧＲＯＵＰ，訓左係度，好累，係精神上既累，慢慢，我就閉上眼睛訓覺……「死仔！」

頂……就差果一下就訓著，點解牛大人要叫醒我，佢坐左係我床邊，粒聲都唔出咁望住我，而我都無出聲望住佢好幾秒，然後就問：「阿爸，你叫我做咩呢？」

老牛大人都係無出聲，只係用手捉住我下巴，起勢咁搖我個頭搖到頂唔順為止，「你搞咩啊？」

「我問你搞咩就真啊，點解今日比平時更ＯＮ９咁既，比女飛啊？」老牛大人……如果真係只係比女飛咁簡單既話就好拿。

「我……」我唔知係邊度講起好，只係講左句：「我今晚約左朋友去飲野。」



老牛大人用一個好懷疑既目光望住我話：「唔會咁簡單既，你一定有野無話我知。」

如是者，我用最精簡既說話講左比老牛大人聽呢件事，都用左我半個鐘先講得晒，而老牛大人聽完就話：「你已經選擇左去，咁你就唔好再諗咁多，就同溝女一樣，你去左馬既，就幾大都唔好驚。」

老牛大人呢一句，對我都有少少打氣既作用，「阿爸，你唔會擔心我，怕我今晚出事咩？」

佢聽到我咁問後，笑左出黎話：「擔心架，不過係一直都擔心，有邊個父母唔會擔心自己既仔女先得架，就算係有少少既野，父母都會好擔心架，所以，你今晚小心Ｄ，我要做既都只係咁多，話晒你都係一個成年人，又係一個男人，有時男人做野，決定左就要做到底，知道啊。」

「知道。」我答完老牛大人後，佢就走返出去。



而電話又再響起，都係一個ＧＲＯＵＰ　ＭＳＧ，不過係唔同ＧＲＯＵＰ，係果個三個人既ＧＲＯＵＰ，亦姐係馬高拎左能蟹電話後，同我及ＳＵＮＮＹ講野既ＧＲＯＵＰ。

能蟹（馬高）：你地準備好未
ＳＵＮＮＹ：準備好晒啦
ＳＵＮＮＹ：咁你呢
能蟹（馬高）：我都係
能蟹（馬高）：今晚見