[愛情無限loop] 就係咁，我做左女神一年既備胎: ２４３　阿琪又想去……

同能蟹坐到五點幾先返到屋企，真係疲勞轟炸，一返到屋企仲聽到老牛大人係度訓緊，唔理咁多，快Ｄ返房訓先。

但正當我要訓果下，我電話連續響左幾聲，通常咁樣響法，都係阿琪ＳＤ　ＭＳＧ比我。

阿琪：尋晚有無跟到能蟹啊？
阿琪：有無發生Ｄ咩特別事啊？
阿琪：你其實訓左未啊（喊笑）
我：就訓拿
阿琪：而家先訓？
阿琪：咁夜既？


我：因為能蟹囉……

我將能蟹既事話左比阿琪聽，而阿琪聽到後都話世事真係巧合，不過阿琪仲提出一個要求。

阿琪：我又要去
我：但能蟹剩係話帶我一個人去咋
我：而且佢仲好強調係個男仔朋友
阿琪：我係旁邊匿埋未得囉
我：唔係幾好既
我：而且妳爸爸比妳出黎咩


阿琪：唉……
阿琪：咁又係
阿琪：但我好耐無出黎拿
阿琪：又好耐無見你
阿琪：唔通你唔掛住我咩？
我：你想聽真話定假話？
阿琪：你又出呢招（喊笑）
我：（喊笑）
阿琪：比我去啦
阿琪：最多我匿好Ｄ唔出聲啦


我：最緊要係妳爸爸比妳出黎
阿琪：佢比架
我：妳咁肯定
阿琪：我話同施機出黎就得啦
我：邊個施基？
阿琪：先前話係我未婚夫果個男人啊

原來果個男人叫施基，我答應左比阿琪黎，不過要佢一定好好匿埋，而佢就叫我唔好同能蟹講，廢事佢知道一陣唔專心哄女朋友咁話ＷＯ。

呢個阿琪真係得意，能蟹點會因為佢而分心呢。

而我，就校好左個鬧鐘大覺訓，諗坐約能蟹前快Ｄ補眠先。