[愛情無限loop] 就係咁，我做左女神一年既備胎: １４３　宣洩

第二日，我張開眼睛果陣……「我尋晚發左個惡夢啊……」我自言自語咁話，「我發夢阿富向阿琪表白，阿琪仲話我知佢比阿富錫左個咀一下……」我擦一擦睡眼，拎起電話，打開左一直同阿琪既ＭＳＧ紀錄。

當一個人唔肯面對現實既時候，係未都會好似我咁，好想，一切都只係一埸夢。

當我又見到呢Ｄ　ＭＳＧ，無論再訓幾多次，無論再迫身己以為係發夢幾多次，發生左就係發生左，返唔到轉頭。

心情，好空虛，同空洞，好想今日漫無目的咁過。

唔咁做既話，我可以點做。



心入面苦悶既心情繼續放大，突然覺我呢間房好細，好迫，好焗。

好想喊……但係喊唔出，喊唔出唔係因為心淡，而係，我唔知我係用咩野身份喊。

係未當每一個人知道自己心儀既對像失之交臂既時候都會咁樣既心情。

我可以點？我可以點？我可以點啊！！！

我拎起左部電話，ＳＤ左個ＭＳＧ，唔係ＳＤ比阿琪，而係ＪＵＤＹ，我真係好需要一個人傾訴。



我：做緊咩啊？
ＪＵＤＹ：無野做緊啊
ＪＵＤＹ：你個死仔咁好死搵我既
ＪＵＤＹ：唔搵阿琪？
我：出黎食野傾好唔好
ＪＵＤＹ：好

ＪＵＤＹ最後一個好字係隔左一陣先ＳＤ比我，可能，佢已經發覺我有Ｄ事。

去到約定既餐廳，我比較早到，而一到左既ＪＵＤＹ見到我咁既死款，就話：「牛兄，你發生咩野事？」



我無助咁望住佢，然後問：「我係未仲要繼續等阿琪？」呢次係我鐘意左阿琪咁耐，第一次咁問自己。

「你搞Ｄ咩啊，先前你先話阿琪同你街撓晒你隻手，又一齊你一啖佢一啖咁食野，而家咁既，發生左Ｄ咩野事？」ＪＵＤＹ坐得左後，又再問：「你地嗌交啊？」

「如果係嗌交咁簡單就好，我哄返佢就得……」我都唔知係邊度講起好，而ＪＵＤＹ見到我咁都急起上黎，「你要話我知我先可以幫到你架！」

我清晰一下自己既頭腦，然後諗下應該要點講比ＪＵＤＹ聽，係思考期間，可能有Ｄ野係唔可以同其他人講，所以我叮囑ＪＵＤＹ以下既野唔可以話比其他人聽。

佢點頭答應後，我就開始講：「首先，阿富佢同佢女朋友分左手。」ＪＵＤＹ聽到後咁講後，係有少少既驚訝，但未至於跨張果隻，然後我繼續：「係一星期前既事，亦姐係我話妳知阿琪撓住我隻手行街既果日。」

ＪＵＤＹ點一點頭示意明白，然後我就話：「果一晚，本來我想再問阿琪，我同佢既關係可唔可以再進多步，但點知我收到阿琪既ＭＳＧ，佢話我知阿富同佢女朋友分左手。」

「等等，你係又阿琪既口中得知阿富分左手，而唔係又佢自己口中講你知既？」ＪＵＤＹ想確定一下，而我聽到佢既問題後，點一點頭，ＪＵＤＹ既反應，「咁撚仆街都有既。」



我唔知佢呢句仆街係咩野意思，我只係繼續講我想講既野：「一見到阿琪呢個ＭＳＧ，我就無再講表白既野，而阿琪都有問我好唔好陪佢，而我……」

「你條友仔緊係話好啦。」不愧為我既好朋友，我點左點頭，然後佢就鬧我：「你未咁撚ＯＮ９啦，佢擺到明仲對阿琪有意思，而且今次仲要影響到你既表白啊。」

我嘆左口氣，然後又話：「呢一個星期，阿富不停咁搵阿琪，阿琪亦覺得好煩厭，但係阿琪話阿富已經因為分手既事唔開心，所以唔想係呢段時間傷害到佢，所以佢呢一個星期都有陪阿富。」

「晚晚都陪？」ＪＵＤＹ問，而我答佢：「係，有時係食飯，有時只係ＭＳＧ，而且阿琪會不停咁話我知佢同阿富做緊Ｄ咩，仲有對話，佢話自己都怕阿富唔知會做出Ｄ咩野，直到尋晚……阿富佢向阿琪表白，而且仲……」

我欲言又止咁，而ＪＵＤＹ就講笑咁話：「阿富唔係強吻佢掛。」佢呢一個無心插柳，正中我要害，我點一點頭，我望住ＪＵＤＹ，未見過佢隻眼可以咁大，「唔撚係啊！？阿富咀佢！？咀邊啊？」

「咀……」我指一指個口話，而ＪＵＤＹ好似癲撚左係度爆粗，然後問我：「阿琪唔會答應左佢掛？」

我搖一搖頭話：「無，佢無答應，但係，亦都無拒絕。」

「唔撚係掛，咁唔怪得知你而家咁既死款啦。」ＪＵＤＹ話：「仲以為你上次話我知你同阿琪Ｄ野後，你得米添。」



我聽到佢咁講，又嘆一嘆氣，「我都唔知應該點，阿琪有話我知同阿富一定無可能，但係，點解佢唔拒絕佢？」

「阿富岩岩分手……」「呢個唔係借口，就算佢係岩岩分手，如果阿琪咁樣做令到阿富有希望，到最後原來係希望愈大，失望愈大時候，阿富未仲傷……」我無名既火起同ＪＵＤＹ講，而ＪＵＤＹ望住我，問我：「你咁嬲，係因為阿琪唔拒絕阿富？」

「某程度上，係。」我答。

「私心？」ＪＵＤＹ又問。

「絕對會有，但唔係全部。」我答：「我唔想阿琪做衰人。」

ＪＵＤＹ聽到後咁講後，就話：「阿牛，你真係好愛阿琪，要好愛一個人既話，先會唔想佢做左Ｄ傷害到人同傷害到自己既事。」