[愛情無限loop] 就係咁，我做左女神一年既備胎: ２５　朋友定女神？

其實我都唔知阿塔咁做岩唔岩，話佢對唔住阿珍，其實佢地又未算係情侶，但佢又同阿珍一直咁曖昧，整到阿珍擔心……而阿琪，又唔算破壞緊佢地兩個既關係，只係阿塔佢自己……

就係我分析緊件事應該點算好之際，我收到阿塔既ＭＳＧ。

阿塔：阿琪有無叫你去義工啊
我：有啊，咩事咁問？
阿塔：無，問下姐
阿塔：我都去
我：我知，阿琪同我講左
阿塔：勁ＷＯ阿牛，咁你都問到阿琪講你知


我：我無問，佢望動同我講
呢句之後，佢不停輸入中，但係又無ＳＤ度野出黎，睇黎，佢係有野想講但又組織唔到，而我，就唔等佢既ＭＳＧ，問佢。
我：阿珍知唔知你去
阿塔：唔知，佢點解要知
我：你其實係未想追阿琪
阿塔：做個朋友姐
我：真心？我睇得出你唔只想係咁
佢又不停輸入中但無野ＳＤ。
我：你同阿珍究竟點？如果你係想同阿珍一齊既話，就未搞咁多野
阿塔：你係未鐘意阿琪？


我諗左陣，覆佢。
我：係
簡單既一個字，換來既係一大段。
阿塔：其實我同阿珍一直同係好好好好朋友，想進一步但總之感覺差咁Ｄ，但阿琪唔同，我對佢感覺幾好
我：咁你同阿珍講左未？
阿塔：無
我：我覺得你最好同佢講清楚先好Ｄ
阿塔：你係未因為鐘意阿琪，驚我追到佢先咁講
我：唔係
我：如果你真係追佢，我唔介意，阿琪單身，任何既男仔都可以追佢



短訊到呢度就告一段落，但係，如果阿塔真係追阿琪，朋友同女神之間我應該點選撢……而且，阿珍又點呢？