[愛情無限loop] 就係咁，我做左女神一年既備胎: ２６４　下次再了斷

聽到能蟹講後，我即刻同佢衝返出去睇，已經見到有好幾個人圍住ＳＵＮＮＹ，不過ＳＵＮＮＹ都幾勁，無人埋到佢身。

而現場亦因為有人打架，聽晒所有音樂，但係就變成充斥住四圍既人既鼓譟聲。

「條友好勁啊，好難埋佢身ｗｏ……」

「勁咩鬼，我地有幾個人，一齊上啦。」

「一齊上左幾次啦，但係都無用。」



睇黎ＳＵＮＮＹ原來同佢地都對峙左一陣，而係一邊既Ｂ男就一路睇一路笑話：「估唔到妳阿爸又幾勁ｗｏ。」

「你未亂講，佢唔係我阿爸。」比Ｂ男攬住既阿銀話。

而ＳＵＮＮＹ聽到佢地既對話，就話：「係未再比佢食呢Ｄ咁既野！」

Ｂ男聽到後，就將一包丸仔放係手心，對住ＳＵＮＮＹ話，「你講呢Ｄ啊？」然後開左拎左一粒比阿銀，「佢叫我唔好比你食ＷＯ。」

「係啊～」阿銀一副好驚既表情，「但我好想食ＷＯ，你會唔會保護人地食架。」



「緊係會啦。」Ｂ男答左阿銀後，就將粒丸仔放左落阿銀既口入面，而阿銀就飲酒送藥咁食左粒丸仔。

「你個仆街未再教壞佢！」ＳＵＮＮＹ向Ｂ男衝過去，不過就比其他人阻止左。

係旁邊睇既我同能蟹，呢一刻緊係上前幫手啦，而我就同阿塔打左個眼色，叫佢今次唔好幫手住，因為以後可能有更重要既野要佢幫手，如果而家比Ｂ男知道左阿塔識我，咁以後要幫阿銀就好難。

我同能蟹行到ＳＵＮＮＹ旁邊，當然有推開果Ｄ人啦，而Ｂ男一見到我就話：「原來你都係度。」

佢企直左個人，然後拍一拍佢個肚，「你記唔記得你踢過我一腳。」



「記得，你係未想我而家再踢多你一腳？」我回應Ｂ男。

Ｂ男聽到後只係笑左一笑話：「今日係你踢我，定我踢你啊？」佢講完呢一句後，佢身邊既人就圍左上黎。

「你地可以一個打幾多個？」ＳＵＮＮＹ問我同能蟹。

「我最多一打四咋。」我答。

「我打架唔叻……」能蟹話。

「咁我地自己執生啦。」ＳＵＮＮＹ講完後，一副想衝前既動作。

不過就係呢一刻，有個人急步行向Ｂ男，同佢講左幾句後，Ｂ男就叫所有人散開，然後就話：「今日你地好彩，不過總有一日我地會有個了斷。」

我唔知佢呢句說話係想點，只知道佢講完呢句後就走左，當然佢班朋友都一齊走啦，而佢走左一陣間，就有警察上黎，睇黎係有一話佢知有警察會到。