簡介
2018年，一套講述救護既電視劇出街之後，大眾對救護員既認識開始提升翻少少，但仍然未夠。 電視劇裡面並唔能夠反映現實既全部，呢行入面有好多鮮為人知既一面，關於社會，關於人性，關於部門... 我於是下決定，要寫一個關於救護員既故事，分享自己過往既所見所聞，透過故事反映鏡頭無法拍出既事情。 我用咗「還是」呢兩個字，代表我曾經係一名救護員，但而家經已唔再係... 寫呢個故事，除咗想分享自己既經歷之外，仲希望救護員能夠繼續得到更多重視，因為救護員一直都係走在最前線，但一直都係寂寂無名既英雄人物。