簡介
今日，我想講一個由倫敦金帶出黎既故事，一個令我急速長大既有血有肉，血淋淋真人真事。 我叫薛可正，阿爸話佢改我呢個名果時，係想我將來長大之後做人可以公公正正，光明正大。 原因係我阿爸係一個警察，當年葉繼歡月華街連掃五間金舖果單大案佢話佢都有份參與，當然我唔知當時佢係拎住支點三八著住件避彈衣衝鋒陷陣既重案組定係負責攔住觀塘睇熱烈果班阿姐唔好比佢地走入案發現場既黑腳，我只係知由細到大佢都將原則放第一位，唔係自己既野唔可以攞人，屬於自己既工作同責任就一定要由自己手去完成，呢兩樣野係我由細到大都聽得最多。