簡介
那年我20歲，讀緊asso yr1，A0，對性既好奇下，用左141叫雞.... 引言 我叫梁家明，今年20歲，讀緊asso yr1。由細到大，成績一般般，屬於中游份子。老豆老媽要求好高，所以我都一直令緊佢地失望，恨鐵不成鋼。 中學DSE成績唔理想，考唔到大學。自己對讀書又無咩興趣，所以本身諗住就咁出黎做野算。但係，老豆老母點會放過我呢，係佢地既淫威下，我最終只能就範繼續讀落去。最後，簡左科asso marketing 黎敷衍老豆老母。點解我會簡marketing？因為夠晒吹水科，對於我呢種唔鍾意背野既人黎講，就非常之合適啦。 講返我屋企，老豆老母都係專業人士，唔算大富大貴，但都叫小康之家，唔憂食唔憂著。零用錢夠晒洗，加上我性格本身就係一個小毒毒，所以洗錢唔多，都積落左少少錢。 至於感情狀態方面，我中學係讀band one學校，成績屬中游份子，所以係學校非常唔顯眼，存在感十分低（焦點都集中係成績好果堆男仔到）。係中學時期我都鍾意過兩個女仔，但都係暗戀，完全無膽去追佢地...所以至今都係A0毒男一個。