那年我20歲asso yr1，用左141叫雞(重甜): 第三部-第七章：微信

條女一如既往咁靚女，上半身著住灰色緊身短T-shrit，露左小小果個肚臍出黎，肚臍位真係好性感...而下身就著住條超短牛仔熱褲，著住咁短既褲，條靚腿都變得更修長既感覺，真係睇到我流晒口水...

條女一樣講左幾句就收左線，然後行過黎我果到，坐左係我隔離，然後講：「把你電話給我唄」，我呆左一呆（黑人問號），條女繼續嘟起個嘴，扮嬲咁講：「你是不想要我微信了吧？」

佢講完後，我先至回過神黎，然後好慌張咁講：「不是的...不是的...我想要加...」，我邊講邊手忙腳亂咁摷褲袋拎部手機出黎，然後比左佢。條女見我咁慌亂既樣，佢都笑左出黎，然後講：「真可愛～」，雖然我知佢笑緊我，但我知道呢個唔係一個耿笑，而係好似情侶之間果種笑法，而望到佢呢個笑容，我真係覺得甜到入心...

條女打開我部電話後，搵左幾搵，都搵唔到有微信，然後問我：「你是不是沒有下載微信呀～」，哎呀，佢講完我先醒起，我手機都無下載過微信，然後我拎返部手機，9秒9即刻下載。

下載完，開通埋微信後，我再次比我部手機佢，佢禁左幾禁，就遞返比我，然後講：「阿明，那你現在有我微信囉，別說再找不到我」，我望住微信個介面，入面得一個人，個名係「婉婷」，望到個名後，我唔知點解會笑左出黎...



緊身T-shirt、牛仔短褲示意圖: